Dinamalar

36 மணிநேரத்தில் 10 லட்சம் பேர் பார்த்த கமல் பட டிலைர்!

கமலஹாசனின் தூங்காவனம் படம் தமிழ், தெலுங்கு என இரண்டு மொழிகளில் வெளியாக இருக்கிறது. த்ரிஷா, பிரகாஷ்ராஜ், கிஷோர், யூகிசேது, சம்பத், மது ஷாலினி, சோமசுந்தரம், சந்தானபாரதி, உமா ரியாஸ்கான் உள்பட பலர் நடித்திருக்கும் இந்த படத்தை ராஜேஷ் எம் செல்வா இயக்கி இருக்கிறார். கமலின் திரைக்கதையில் உருவாகி இருக்கும் தூங்காவனம் படத்தில் கிஷோர், பிரகாஷ்ராஜ் இரவரும் வில்லன்களாக நடித்துள்ளதாக தகவல். 10 வயது மகனுக்கு தந்தையாக வந்த கமல், என் மகனுக்கு ஏதாவது ஒன்று என்றால் உங்களை தொலைத்து விடுவேன் என்ற வசனம் இடம் பெற்றுள்ளது. நான் சொன்னா அதை செய்வேன் என்று பேசும் பஞ்ச் டயலாக்கும் இருக்கிறது.

தூங்காவனம் டிரெய்லரில், பப் ஒன்றில் வில்லன்களுடன் கமல் மோதும் காட்சிகள் ஆவேசமாக இருந்தன. நேற்றைய முன்தினம்தான் தூங்காவனம் டிரெய்லர் வெளியானது.

அதற்குள் ரசிகர்களிடம் மிகப்பெரும் வரவேற்பை பெற்றுள்ளது. தூங்காவனம் டிரெய்லர் வெளியான 36 மணி நேரத்தில் 10 லட்சத்து 23 ஆயிரத்து 494 பேர் யூடியூப்பில் பார்த்து ரசித்துள்ளனர். 8035 பேர் அதற்கு லைக் கொடுத்துள்ளனர். 282 பேருக்கு டிரெய்லர் பிடிக்கவில்லையாம்.

அதேசமயம், தூங்காவனம் படத்தின் தெலுங்கு பதிப்பான சீக்கட்டி ராஜ்யம் படத்தின் டிரெய்லரை 168542 பேர் மட்டுமே பார்த்துள்ளனர்.

• இவரை பற்றி
• செய்திகள்
• ஆல்பம்