Dinamalar

பிரமோற்சவம் படப்பிடிப்பில் சமந்தா

தமிழ் திரை உலகில் நடிகையாக அறிமுகமான சமந்தாவை ஆரம்பத்தில் கோலிவுட் கைவிட்ட போது அவருக்கு சிகப்பு கம்பளம் விரித்து வரவேற்றது தெலுங்கு திரை உலகம். டோலிவுட்டின் முன்னணி நடிகர்களின் படங்களைக் கைப்பற்றி உச்ச நட்சத்திரமாக உயர்ந்த பின்னரே கோலிவுட் முன்னணி நடிகர்கள் மற்றும் இயக்குநர்களின் ஆதரவை சமந்தா பெற்றார். சமந்தா நடிகர் விக்ரமுடன் இணைந்து நடித்துள்ள 10 எண்றதுக்குள்ள படம் விரைவில் திரைக்கு வரவுள்ளது. இப்படத்தைத் தொடர்ந்து டோலிவுட்டின் சூப்பர் ஸ்டார் மகேஷ் பாபு நாயகனாக நடிக்கவுள்ள பிரமோற்சவம் படத்தில் நாயகியாக நடிக்க சமந்தா ஒப்பந்தமாகியுள்ளார். பிவிபி நிறுவனம் மற்றும் நடிகர் மகேஷ் பாபுவின் தயாரிப்பு நிறுவனம் ஆகியவற்றின் இணை தயாரிப்பில் உருவாகவிருக்கும் இப்படத்தை இயக்குநர் ஸ்ரீகாந்த் அடல்லா இயக்குகின்றார். இப்படத்தில் சமந்தாவுடன் காஜல் அகர்வால்,பிரனிதா ஆகியோரும் நடிக்கின்றனர். செப்டம்பர் 14 ஆம் தேதி துவங்கும் பிரமோற்சவம் படத்தின் படப்பிடிப்பில் கலந்து கொள்ளவுள்ளதாக காஜல் அகர்வால் ஏற்கனவே அறிவித்துள்ளார். இந்நிலையில் நடிகை சமந்தா செப்டம்பர் 20 தேதி முதல் பிரமோற்சவம் படத்தின் படப்பிடிப்பில் கலந்து கொள்ளவுள்ளதாக தெரிவித்துள்ளார்.

• இவரை பற்றி
• செய்திகள்
• ஆல்பம்