Dinamalar

ஹாட்ரிக் அடிப்பாரா ஜெயம் ரவி ?

ஒரு ஹீரோவுக்கு அடுத்தடுத்து படங்கள் வெளிவருவது ஆச்சரியமான ஒரு விஷயம்தான். ஜெயம் ரவி நடித்து கடந்த இரண்டு ஆண்டுகளில் வெளிவந்த “எங்கேயும் காதல், ஆதி பகவன், நிமிர்ந்து நில்” ஆகிய படங்கள் தோல்விப் படங்களாகவே அமைந்தன. அந்தப் படங்களை அடுத்து அவர் நடித்த 'பூலோகம்' படம் வெளியீட்டுக்குத் தயாராக இருக்கும் நிலையிலும் தயாரிப்பாளரின் பணப் பிரச்சனையால் கடந்த ஒரு ஆண்டிற்கும் மேலாக வெளிவராமலே இருக்கிறது. இருந்தாலும் ஜெயம் ரவி தன்னுடைய அடுத்த படங்களை நம்பி காத்திருந்தார். அவர் நம்பிக்கை வீண் போகவில்லை.

ஜுன் மாதம் வெளிவந்த 'ரோமியோ ஜுலியட்' படம் அவருக்கு வெற்றிக் கணக்கை ஆரம்பித்து வைத்தது. கடந்த ஜுலை மாதம் 31ம் தேதி வெளிவந்த 'சகலகலா வல்லவன்' படத்திற்கு இரு வேறு விதமான விமர்சனங்கள் எழுந்தாலும் வியாபார ரீதியாக படம் நல்ல வசூலைக் கொடுத்து வருவதாகச் சொல்கிறார்கள். இப்போது இந்த மாதத்திலும் இன்னொரு ரிலீசுக்குத் தயாராகிவிட்டார். அண்ணன் ராஜா இயக்கத்தில் ஜெயம் ரவி நடித்துள்ள 'தனி ஒருவன்' படம் இந்த மாதம் 28ம் தேதி வெளியாக உள்ளது.

ஒரு 'பூலோகம்' படம் வெளிவராத நிலையில் அடுத்தடுத்து வந்த இரண்டு படங்களும் வெற்றி பெற்றுள்ளதால் ஜெயம் ரவி மகிழ்ச்சியில் இருக்கிறாராம். அண்ணன் ராஜா இயக்கும் படங்கள் அவருக்கு எப்போதுமே வெற்றியைப் பெற்றுத் தருவதோடு, நல்ல இமேஜையும் உருவாக்கித் தரும். அந்த எதிர்பார்ப்பில் 'தனி ஒருவன்' படம் மூலம் ஹாட்ரிக் வெற்றி பெற்று விடலாம் என்ற நம்பிக்கை ஜெயம் ரவிக்கு அதிகமாகவே இருக்கிறதாம்.

• இவரை பற்றி
• செய்திகள்
• ஆல்பம்