Dinamalar

க்யூட்டாக மாறுகிறார் அனுஷ்கா!

அருந்ததி படத்தில் அதிரடியான கதாபாத்திரத்தில் நடித்து தென்னிந்திய அளவில் பிரபல நடிகையானவர் அனுஷ்கா. அதையடுத்து வில்லேஜ், சிட்டி என்று மாறுபட்ட கதைகளில் நடித்து வந்தபோதும், பாகுபலி, ராணி ருத்ரமாதேவி படங்கள் மூலம் அவர் வரலாற்றுப்பட நாயகியாக வலம் வந்து கொண்டிருக்கிறார். அந்த படங்களுக்காக வருடக்கணக்கில் தனது நேரத்தை செலவிட்டு வந்த அவர், இனிமேல் இப்போதைக்கு வரலாற்று படங்கள் இல்லை என்று சொல்லிக்கொண்டு மீண்டும பக்கா கமர்சியல் கதைகளில் நடிக்கத் தொடங்கியிருக்கிறார். அதோடு, சரித்திர படங்களுக்காக தனது உடல் எடையை அதிகப்படுத்தி கேரக்டர்களாக மாறிய அனுஷ்கா, தற்போது ஆர்யாவுடன் நடித்து வரும் இஞ்சி இடுப்பழகி படத்திலும் முதல் பாதியில் 35 வயது ஆன்ட்டி போன்ற தோற்றத்தில்தான் நடித்து வந்தார்.

ஆனால், இப்போது கதைப்படி அவரும் ஸ்லிம்மாக வேண்டும் என்பதற்காக உடல் எடையை குறைத்தபடியே அந்த படத்திலும் நடித்துக்கொண்டிருக்கிறார். அதேசமயம், சரித்திர படங்களால் தன்னை அழகுமிளிர அவுட்புட் கொடுக்க முடியவில்லை என்பதால், இந்த படம் தமிழ், தெலுங்கு என இரண்டு மொழியிலும் உருவாவதால், படத்தின் பிற்பாதியில் இதுவரை இல்லாத அளவுக்கு தன்னை அழகாக காண்பிக்க வேண்டும் என்று அனுஷ்காவே ஆசைப்படுகிறாராம். அதனால் டயட்ஸ், யோகா பயிற்சிகள் மூலம் எடையை குறைத்துக்கொண்டிருக்கும் அனுஷ்கா, தன்னை க்யூட்டாக காட்டியே தீருவது என்று தீவிரம் காட்டி வருகிறாராம்.

• இவரை பற்றி
• செய்திகள்
• ஆல்பம்