Dinamalar

பிறந்த நாளில் ஃபர்ஸ்ட்லுக்... பரத் ஹேப்பி

சில வருடங்களுக்கு முன் பிசியான ஹீரோவாக இருந்தார் பரத். அவர் நடித்த படங்கள் வரிசையாக தோல்வியடைந்ததினால் பரத்துக்கு படவாய்ப்புகள் குறைய ஆரம்பித்தன. பின்னர் ஒரு கட்டத்தில் படங்களே இல்லாமல்போனதால் மலையாளத்தில் நடிக்கப்போனார் பரத். பட வாய்ப்புகள் இல்லாமல் போனதால் சிசிஎல் என்கிற நட்சத்திர கிரிக்கெட்டில் கலந்து கொண்டார். இந்நிலையில் பரத்துக்கு புதிய பட வாய்ப்புகள் தேடி வர ஆரம்பித்துள்ளன. தற்போது 'சிம்பா', 'என்னோடு விளையாடு' உட்பட சில படங்களில் நடித்து வருகிறார். இன்றைய தினம் (ஜூலை-21) பரத்துக்கு விசேஷமான நாள்! யெஸ்... பரத்துக்கு இன்று பிறந்த நாள்! தன் பிறந்தநாளை முன்னிட்டு தான் நடித்து வரும் 'சிம்பா' படத்தின் ஃபர்ஸ்ட்லுக் விளம்பரங்கள் நாளிதழ்களில் வர வேண்டும் என்று ஆசைப்பட்ட பரத், தன் மானேஜர் மூலம் சம்மந்தப்பட்ட தயாரிப்பாளரிடம் பேசி சம்மதிக்க வைத்தாராம்.

• செய்திகள்
• ஆல்பம்