Dinamalar

'வாசுவும் சரவணனும் ஒண்ணா படிச்சவங்க' படப்பிடிப்பு நிறைவு

'பாஸ் என்கிற பாஸ்கரன்' படத்திற்கு பிறகு இயக்குனர் ராஜேஷ், ஆர்யா, சந்தானம் மீண்டும் கூட்டணி சேர்ந்த 'வாசுவும் சரவணனும் ஒண்ணா படிச்சவங்க' படத்தின் படப்பிடிப்பு நிறைவடைந்துள்ளது. இந்தப் படத்தில் ஆர்யா ஜோடியாக தமன்னா முதன்முறையாக நடித்துள்ளார். சமீபத்தில் நாயகனாக மட்டுமே நடிப்பேன் என்று அறிவித்த சந்தானம், இயக்குனர் ராஜேஷுக்காகவும், ஆர்யாவுக்காகவும் அவருடைய கொள்கையைத் தளர்த்தி இந்தப் படத்தில் நகைச்சுவைக் கதாபாத்திரத்தில் நடித்துக் கொடுத்துள்ளார். இந்தப் படத்தில் இன்னொரு நாயகியாக 'தாமிரபரணி' பானு நடிக்கிறார். மற்றும் கருணாகரன், ரேணுகா, சித்தார்த் விபின், வெண்ணிற ஆடை மூர்த்தி, மற்றும் பலர் நடிக்கிறார்கள். இமான் முதன் முறையாக ராஜேஷ் இயக்கும் படத்திற்கு இசையமைக்கிறார். 'அழகுராஜா' படத்தின் தோல்விக்குப் பிறகும் தன்னை 'பாஸ் என்கிற பாஸ்கரன்' படத்தில் தூக்கிவிட்ட ராஜேஷுக்காக ஆர்யாவே அவருடைய சொந்த நிறுவனம் மூலம் இப்படத்தைத் தயாரிக்கிறார். கடந்த நவம்பர் மாதம் படப்பிடிப்பை ஆரம்பித்து ஆறு மாதங்களுக்குள் முழுவதுமா முடித்துவிட்டார்கள். இறுதிக்கட்டப் பணிகள் ஆரம்பமாகி விட்டன. விரைவில் பட வெளியீட்டுத் தேதியை அறிவிக்க உள்ளார்கள்.

• செய்திகள்
• ஆல்பம்