Dinamalar

ஆர்யாவைத் தொடர்ந்து அகோரியாக நடிக்கிறார் பரத்!

2009-ல் பாலா இயக்கத்தில் ஆர்யா நடித்த படம் நான் கடவுள். இந்த படத்தில் அகோரி வேடத்தில் நடித்திருந்தார் ஆர்யா. அதுவரை சாக்லேட் ஹீரோவாக நடித்து வந்த ஆர்யாவின் இமேஜ் அந்த படத்திலிருந்துதான் மாறியது. அவரைத் தொடர்ந்து இப்போது அருண் கிருஷ்ணசாமி இயக்கத்தில் என்னோடு விளையாடு எனற் படத்தில் நடித்து வரும் பரத்தும், அடுத்தபடியாக சிம்பா என்றொரு படத்தில் அகோரியாக நடிக்கிறார்.

குட்டே இண்டர் நேசனல் தமிழ்ச்செல்வன் தயாரிக்கும் அப்படத்தை சில குறும் படங்களை இயக்கிய அரவிந்த் கே.ஸ்ரீதர் இயக்குகிறார். இப்படத்தில் ஆறறிவு இருக்குபோது ஒருவிதமாகவும், ஐந்தறிவு மனிதனாகும்போது இன்னொரு மாதிரியாகவும் இரண்டுவிதமான மாறுபட்ட நடிப்பை வெளிப்படுத்தும் பரத் அகோரி கெட்டப்பில் தோன்றுகிறாராம். இந்த சிம்பா படத்தில் பரத்துக்கு ஜோடியாக பானு மெஹரா, சுவாதி தீட்சித் என்ற இரண்டு நடிகைகள் நடிக்கிறார்கள். காதல் படத்திற்கு பிறகு இந்த படம் தனக்கு பெரிய திருப்புமுனை ஏற்படுத்தும் என்று பரத் எதிர்பார்க்கிறாராம். இம்மாதம் 12-ந்தேதியில் இருந்து பாண்டிச்சேரியில் சிம்பா படப்பிடிப்பு தொடங்குகிறது.

• செய்திகள்
• ஆல்பம்