Dinamalar

விழிஞம் துறைமுக பிரச்சனை குறித்து ஜப்பானிலிருந்து மோகன்லால் கடிதம்..!

திருவனந்தபுரம் நகரின் கோவளம் கடற்கரையிலிருந்து மூன்று கிலோ மீட்டர் தொலைவில் இருக்கும் ஒரு இயற்கையான மீன்பிடி துறைமுகம் தான் விழிஞம். கேரளா தமிழக எல்லையான விழிஞம் பகுதியில் புதிய துறைமுகம் அமைக்க திட்டமிடப்பட்டது. ஆனால் இதற்கான பணிகள் மிதமான வேகத்தில் நடைபெற்று வருகிறது. வழக்கம்போல எந்த ஒரு அரசு திட்டத்திற்கும் சமூக ஆர்வலர்களிடம் இருந்து எழும் எதிர்ப்பு போல, இந்த திட்டத்திற்கும் எதிர்ப்பு கிளம்பியதால் தற்போது தேக்க நிலையில் உள்ளது இந்த திட்டம். இதை சீக்கிரம் முடிக்கவேண்டும் என பலர் குரல்கொடுத்து வந்துள்ளார்கள்.

தற்போது சிகிச்சைக்காக ஜப்பான் சென்றுள்ள மோகன்லால் அங்கிருந்தபடிய மீடியாக்களுக்கு இந்த பிரச்சனையில் ஒருமித்து குரல் கொடுக்கவேண்டும் என்று கடிதம் ஒன்றை அனுப்பியுள்ளார். அதில், இந்த திட்டம் குறித்து பலருக்கு மாறுபட்ட கருத்துகள் இருக்கலாம்.. ஆனால் அது மாநிலத்திற்கு வெளியில் இருந்து வரும் வருமானத்தை பாதிக்க கூடாது. என்று குறிப்பிட்டுள்ளார். இந்த லெட்டரை அவர் ஜப்பானில் இருந்து அவர் எழுத காரணம், இந்த துறைமுகம் ஜப்பானின் வளர்ச்சிக்கு நிறையவே உதவும் என்பதால் தான்.

• இவரை பற்றி
• செய்திகள்