Dinamalar

பாலகிருஷ்ணாவின் அடுத்த படம் குறித்த தகவல்கள்

தெலுங்கு திரையின் முன்னணி நடிகர் பாலகிருஷ்ணா நடிப்பில் வெளிவந்த லயன் படம் ரசிகர்களின் வரவேற்புடன் திரையரங்குகளில் ஓடிக் கொண்டிருக்கின்றது. பாலகிருஷ்ணாவின் 98-வது படமான லயன் படத்தைத் தொடர்ந்து அவரது அடுத்த படம் குறித்த தகவல்கள் வெளிவந்துள்ளன. இயக்குனர் ஸ்ரீவாஸ் இயக்கத்தில் நடிகர் பாலகிருஷ்ணா நடிக்கவுள்ள அடுத்த படத்திற்கு டிக்டேட்டர் என்று பெயர் வைத்துள்ளனர். அதிகாரப்பூர்வ அறிவிப்பின் பின்னர் இப்படத்தின் முதல்கட்ட வேலைகள் மே 29 ஆம் தேதி முதல் துவங்கும் என தெரிகின்றது. அதன் பின்னர் ஜூன் 12 ஆம் தேதி இப்படத்தின் படப்பிடிப்புகள் ஆரம்பமாகும் என கூறப்படுகின்றது. ஈராஸ் நிறுவனம் தயாரிக்கும் இப்படத்திற்கு இசையமைப்பாளர் தமன் இசையமைக்க ஒப்பந்தமாகியுள்ளார். மேலும் இப்படத்தில் பணியாற்றவிருக்கும் நடிகர் நடிகைகள் தொழில்நுட்ப கலைஞர்களின் விபரம் விரைவில் அறிவிக்கப்படும் என எதிர்பார்க்கப்படுகின்றது.

• செய்திகள்