Dinamalar

சிம்பு படத்தில் சிறப்பு தோற்றத்தில் ராணா!

தெலுங்கில் பிரபல நடிகராக வலம் வருபவர் ராணா டகுபதி. தமிழில், ''ஆரம்பம்'' படத்தில் அஜித்தின் நண்பராக நடித்திருந்தார். இப்போது தமிழ்-தெலுங்கில் தயாராகும் ஆர்யா நடிக்கும் பெங்களூர் டேஸ் ரீ-மேக்கில் படத்தில் நடித்து வருகிறார். இந்நிலையில் இப்போது சிம்பு நடிக்கும் படத்தில் கெஸ்ட் ரோலி்ல் ராணா நடிக்க இருப்பதாக தகவல் வெளியாகியுள்ளது.

என்னை அறிந்தால் படத்திற்கு பிறகு கெளதம் மேனன், சிம்புவை வைத்து அச்சம் என்பது மடமையடா படத்தை இயக்கி வருகிறார். இந்தப்படத்தில் தான் ராணா சிறப்பு தோற்றத்தில் நடிக்க இருக்கிறார். இதுதொடர்பாக ராணாவிடம் கெளதம் மேனன் பேசியதாகவும், அவரும் ஓ.கே. சொல்லியுள்ளதாகவும் தகவல் வெளியாகியுள்ளது.

• இவரை பற்றி
• செய்திகள்
• ஆல்பம்