Dinamalar

“என்னை சேல்ஸ் கேர்ள்னே நினைச்சுட்டாங்க” - சந்தோஷப்படும் பானு..!

படங்களை எப்படி தேர்வு செய்வது என்கிற கலையை கற்றுகொண்ட முக்தா பானு, தமிழ், மலையாளம் இரண்டிலும் சரிசமமாக படங்களை வைத்திருக்கிறார்.. 'தாமிரபரணி' பானு என்று சொன்னால் உங்களுக்கு சட்டென புரியும். மலையாளத்தில் கைவசம் நான்கு படங்களை வைத்திருக்கும் பானு,. அதில் முக்கியமான படமாக அவர் கருதுவது 'சுகமாயிருக்கட்டே' என்கிற படத்தைத்தான்.. இதுதவிர 'யூ டூ புரூட்டஸ்' என்கிற படத்தில் கொஞ்ச நேரமே வரும் டான்ஸ் டீச்சர் ரோலில் நடித்திருக்கிறாராம்.

தமிழில் பாம்பு சட்டை' படத்தில் பாபி சிம்ஹாவுக்கு மச்சினியாக நடிக்கிறார். சமீபத்தில் இந்தப்படத்தின் படப்பிடிப்பு தி.நகரில் உள்ள நகைக்கடையில் நடைபெற்றபோது, அங்கிருந்த சேல்ஸ் கேர்ள்ஸுடன் பானுவையும் யூனிபார்ம் அணியவைத்து நிற்க வைத்துவிட்டார்களாம். கேமாரவையும் மறைத்து வைத்து யதார்த்தமாக படமாக்கினார்களாம். அதனால் அங்கே படப்பிடிப்பு நடப்பதற்கான அறிகுறியே தென்படவில்லையாம்.

கடைக்கு வழக்கம்போல வரும் ஒரிஜினல் கஸ்டமர்கள் பானுவையும் சேல்ஸ் கேர்ள் என நினைத்து அவரிடம் நகைகளை எடுத்துக்காட்ட சொன்னார்களாம். அவரும் நகைகளை எடுத்துக்காட்டியதுடன், கஸ்டமர்களுக்கு கூல்ட்ரிங்ஸும் கொண்டுவந்து கொடுத்து உபசரித்தாராம். இந்தப்படத்தில் சாதாரண வீட்டுப்பெண்ணாக நடிக்கும் பானுவுக்கு மேக்கப்பும் சிம்பிளாக இருந்ததால் “என்னை சேல்ஸ் கேர்ள்னே நினைச்சுட்டாங்க” என சந்தோஷப்படுகிறாராம் பானு.

• செய்திகள்
• ஆல்பம்