Dinamalar

வெளிவரத் தயாராகிறார் நாரதன்

தொடர் தோல்விகளை சந்தித்து வந்த நகுலுக்கு தமிழுக்கு எண் ஒன்றை அழுத்தவும் படம் சின்ன ஆறுதலை கொடுத்தது. தற்போது அவர் நடித்துள்ள நாரதன் படம் ரிலீசுக்கு ரெடியாகிவிட்டது. நாகா வெங்கடேஷ் இயக்கி உள்ள இந்தப் படத்தை வெற்றிவேல் பிலிம்ஸ் சார்பிலும், தி பிரின்ஸ்பல் இந்தியா நிறுவனம் சார்பிலும் எம்.செல்வகுமார், சஜித் நம்பியார் தயாரித்திருக்கிறார்கள். நகுலுக்கு ஜோடியாக நிகிஷா பட்டேல் நடித்துள்ளார். பிரேம்ஜி அமரன் காமெடியனாக நடித்துள்ளார். சஞ்சய் லோக்நாத் ஒளிப்பதிவு செய்துள்ளார், மணிசர்மா இசை அமைத்துள்ளார்.

நிகிஷாவும், நகுலும் சண்டைக்கோழி காதலர்கள், இருவரையும் பிரிக்க சதி திட்டம் போடுகிறவர் பிரேம்ஜி அமரன். அதற்காக இருவருக்கும் இடையே தவறான தகவல்களை சொல்லி நாரதர் வேலை பார்க்கிறார் பிரேம்ஜி. எப்போதுமே நாரதரின் கலகம் நன்மையில்தானே முடியும். அதுபோல நகுலையும், நிகிஷாவையும் பிரிக்க பிரேம்ஜி செய்யும் எல்லா கலவரமும் அவர்களை இன்னும் நெருக்கமாக்கி விடும். இப்படியான ஒரு காமெடி ரொமாண்டிக் படமாக தயாராகி உள்ளது நாரதன். படத்தின் அனைத்து பணிகளும் முடிந்து விட்டது. ஏப்ரலில் வெளியிட திட்டமிட்டிருக்கிறார்கள்.

• இவரை பற்றி
• செய்திகள்
• ஆல்பம்