Dinamalar

பாக்யராஜை காப்பர்றறிய சாந்தனு!

தமிழ் சினிமாவில் திரைக்கதை மன்னன் என்று பெயரெடுத்தவர் கே.பாக்யராஜ். எந்தவொரு கதையாக இருந்தாலும் அதில் காட்சிகளும், வசனங்களும் அத்தனை தெளிவாக இருக்கும். அதனால் அவருக்கு பிறகு வந்த டைரக்டர்களெல்லாம் பாக்யராஜ்தான் எங்கள் ஸ்கிரிப்டுக்கு ரோல் மாடலாக இருக்கிறார் என்று கூறி வருகின்றனர்.

அதேபோல் நடிப்பிலும் அந்த கதாபாத்திரமாகவே மாறி தனக்கென ஒரு பாணியை உருவாக்கினார் பாக்யராஜ். ஆனால், நடனத்தில் மட்டும் அவர் ஆரம்பத்தில் இருந்தே வீக்தான். உடம்பை வளைத்து ஆடாமல், கை கால்களை நீட்டி உயர்த்தி உடற்பயிற்சி செய்வது போலவே ஆடுவார். அதை மேடை நிகழ்ச்சிகளில் மிமிக்ரி செய்து கிண்டலடிப்பார்கள். என்றபோதும் தனது பாணியை அவர் மாற்றிக்கொண்டதில்லை. எனக்கு அப்படிதான் நடனமாட தெரியும். எனக்கு தெரிந்ததை செய்கிறேன் என்று அதையே தொடர்ந்து வந்தார்.

இந்த நிலையில், தற்போது சில மேடைகளில் தனது நடனம் குறித்து பேசும் பாக்யராஜ், அவரும் அதை நினைத்து சிரித்துக்கொள்கிறார். அதேசமயம், நல்லவேளை என் மகனும் என்னைப்போல் இல்லாமல், சிறப்பாக நடனமாடுகிறான். அந்த வகையில், என் பையன் என்னை காப்பாற்றி விட்டான். அவனால்தான் நான் தப்பினேன் என்கிறார் பாக்யராஜ்.

• செய்திகள்
• ஆல்பம்