Dinamalar

விஷால் படத்தில் பரத்!

சுசீந்திரன் இயக்கத்தில் பாண்டியநாடு படத்தில் நடித்த விஷால், அடுத்து வேந்தர் மூவீஸ் தயாரிப்பில் சுசீந்திரன் இயக்கும் படத்தில் நடிக்கிறார். இப்படத்திற்கான ஸ்கிரிப்ட் வேலைகளில் கடந்த சில மாதங்களாகவே ஈடுபட்டிருந்த சுசீந்திரன்,. தற்போது லொகேஷன்களை பார்த்துக்கொண்டிருக்கிறார். இதற்கிடையே படத்தில் நடிக்கும் நடிகர் நடிகைகளை ஒப்பந்தம் செய்யும் பணிகளும் நடக்கிறது.

அந்த வகையில், விஷால் முக்கிய வேடத்தில் நடிக்கும் இந்த படத்தில் ஆர்யாவும் ஒரு வேடத்தில் நடிப்பதாக ஏற்கனவே செய்திகள் வெளியாகின. இருபபினும், அந்த படத்தில் நடிப்பது பற்றி ஆர்யா தரப்பு இன்னும் எந்த முடிவும் சொல்லவில்லையாம். ஆனால், அந்த கதையை ரெடி பண்ணியபோதே, விஷாலுடன் ஆர்யா அல்லது பரத்தை நடிக்க வைக்க வேண்டும் என்றுதான் முடிவு செய்திருந்தாராம் சுசீந்திரன்.

மேலும், தற்போதைய நிலவரப்படி ஆர்யாவின் கைவசம் பல படங்கள் இருப்பதால், ஒருவேளை அவர் தாங்கள் கேட்ட தேதியில் கால்சீட் இல்லை என்று கைவிரித்து விட்டால், அடுத்தபடியாக பரத்தை தான் அந்த வேடத்தில் நடிக்க வைக்கப்போகிறாராம் சுசீந்திரன். இதுபற்றி இன்னும் உறுதியான முடிவு எடுக்கப்படவில்லை என்றபோதும், ஆம்பள படத்தின் ரிலீசுக்குப்பிறகு விஷாலுடன் நடிக்கப்போவது ஆர்யாவா? இல்லை பரத்தா? என்பது உறுதி செய்யப்படுமாம்.

• செய்திகள்
• ஆல்பம்