Dinamalar

இளையராஜாவின் இசையில் பாடிய ஜீவா!

என்றென்றும் புன்னகை படத்தில் நடித்து வந்தபோது, இந்த படமும் ஓடவில்லையென்றால், நான் ஹோட்டல் பிஸ்னஸில் இறங்கி விடுவேன் என்று கூறிவந்தார் ஜீவா. ஆனால், அந்தபடம் ஓரளவு ஓடியதையடுத்து தனது முடிவை மாற்றிக்கொண்டு மீண்டும் நடிக்கத் தொடங்கினார். அதையடுத்து ரவி.கே.சந்திரன் இயக்கத்தில் யான் படத்தில் நடித்தார்.

அந்த படத்தை பெரிய அளவில் எதிர்பார்த்த ஜீவா, இந்த படம் எனது சினிமா கேரியரையே மாற்றப்போகிறது என்று பில்டப் கொடுத்து வந்தார். ஆனால், படம் சுத்தமாக ஓடவில்லை. அதையடுத்து அவருக்கு புதிய படங்களும் கிடைக்கவில்லை. அதனால் சென்னையில் தனது மனைவி நடத்தி வரும் ஹோட்டலில் இப்போது தனது கவனத்தை திருப்பியிருக்கிறார் ஜீவா.

இருப்பினும், அவரது தந்தையான ஆர்.பி.செளத்ரியே அடுத்து ஜீவாவை வைதது ஒரு படம் தயாரிக்க கதை கேட்டு வருகிறார். இந்த நிலையில், தற்போது விஜய்யின் தந்தை எஸ்.ஏ.சந்திரசேகரன் இயக்கி வரும் டூரிங் டாக்கீஸ் என்ற படத்துக்காக இரண்டு பாடல்கள் பின்னணி பாடியுள்ளார் ஜீவா. படமே இல்லாமல் இருக்கும் தன்னைற இளையராஜாவின் இசையில் பாட வைத்திருப்பது ஜீவாவுக்கு பெரிய மகிழ்ச்சியை கொடுத்துள்ளதாம். சினிமாவில் தான் முதன்முதலாக பாடியிருப்பதால் தனது நட்பு வட்டாரங்களுக்கும் தெரிவித்து கொண்டாடி வருகிறார்.

• செய்திகள்
• ஆல்பம்