Dinamalar

சமந்தாவுக்கு மகேஷ்பாபு சிபாரிசு செய்கிறாராம்!

ஒரு காலத்தில் தெலுங்கு நடிகர் மகேஷ்பாபு-சமந்தாவுக்கிடையே பகை உணர்வு பற்றிக்கொண்டு எரிவதாக செய்திகள் வெளியாகிக்கொண்டிருந்தன. காரணம், மகேஷ்பாபு நடித்த ஒரு படத்தின் போஸ்டரில் அப்பட நாயகி, அவரது காலடியில் ஊர்ந்து செல்வது போன்று வெளியானதற்கு எதிர்ப்பாக சமந்தா கருத்து கூறியிருந்தார்.

குறிப்பாக,பெண்களை மட்டம் தட்டுவது போன்று அது அமைந்திருப்பதாக கூறினார். இதனால் மகேஷ்பாபு மட்டுமின்றி, அவரது ரசிகர்களும் சமந்தாவுக்கு எதிரான கருத்துக்களை வெளியிட்டு வந்தனர். ஆனால், கருத்து சொல்வது எனது உரிமை அதை யாரும் தடுக்க முடியாது என்று டுவிட் செய்த சமந்தாவை அடக்க நினைத்த மகேஷ்பாபு தான் தெலுங்கில் நடித்த ஒரு படத்தில் அவரை தனக்கு ஜோடியாக்கினார்.

விளைவு, அந்த படத்தில் இருந்து அவருடன் ரொம்பவே ராசியாகி விட்டார் சமந்தா. அதையடுத்து சமந்தாவுக்கு எதிராக கருத்து வெளியிடுவதையும் மகேஷ்பாபுவின் ரசிகர்கள் நிறுத்தி விட்டனர். இந்த நிலையில், சமந்தாவின் நடிப்பில் கவரப்பட்ட மகேஷ்பாபு, அடுத்தபடியாக தான் நடிக்கும் ஒரு படத்தில் சமந்தாவை நடிக்க வைக்கவும் சிபாரிசு செய்திருக்கிறாராம். அதையடுத்து, தனது கோலிவுட் நண்பர்களிடம் மகேஷ்பாபு புராணம் பாடிக்கொண்டு திரிகிறார் சமந்தா.

• இவரை பற்றி
• செய்திகள்
• ஆல்பம்