Dinamalar

புதிய உற்சாகத்தில் ஸ்ரீதேவி!

1967ல் துணைவன் என்ற படத்தில் முருகன் கதாபாத்திரத்தில் சினிமாவுக்கு அறிமுகமானவர் ஸ்ரீதேவி. அப்போது அவருக்கு வயது நான்கு. அதையடுத்து தென்னிந்திய மொழிப்படங்களில் குழந்தை நட்சத்திரமாக பரவலாக நடித்தார். அதன்பிறகு அவரை, மூன்று முடிச்சு படத்தில் கே.பாலசந்தர் கதாநாயகியாக நடிகக வைத்தார்.

இப்படி தனது கேரியரை தொடங்கிய ஸ்ரீதேவி, தென்னிந்திய படங்களில் நம்பர்-ஒன் நடிகையாக திகழ்ந்தவர். பின்னர் பாலிவுட்டிலும புகழ் கொடியேற்றினார். திருமணத்திற்கு பிறகு, நீண்ட இடைவெளியையடுத்து, இங்கிலீஷ் விங்கிலீஷ் படத்தில் நடித்த ஸ்ரீதேவி, 28 ஆண்டுகளுக்கு பிறகு விஜய் நடிக்கும் மாரீசன் படம் மூலம் நேரடியாக தமிழில் நடிக்க வ்ந்துள்ளார்.

இந்த படத்தில் ஒரு ராஜ்ஜியத்தை ஆளும் ராணியாக நடிக்கும் ஸ்ரீதேவி, தற்போது அப்படத்துக்காக உருவாக்கப்பட்டிருக்கும் பிரமாண்ட அரண்மனை செட்டில், தனது மகளாக நடிக்கும் ஹன்சிகாவுக்கு சரிசமமாக ஒரு பாடல் காட்சியில் நடனமாடிக்கொண்டிருக்கிறார். அதோடு, இடைவேளை நேரங்களில் தனது கடந்தகால மலரும்நினைவுகளிலும் மூழ்கிப்போகிறாராம் அவர்.

அப்போது, ரஜினி, கமலுடன்தான் நடித்த அனுபவங்களைப்பற்றி பகிர்ந்து கொள்ளும் ஸ்ரீதேவி. இந்த ரீ-என்ட்ரி எனக்கு மீணடும் நான் குழந்தையாக நடிக்க வந்தது போன்ற மனநிலையைத்தான் கொடுக்கிறது. மேலும், இப்போதைய நவீன தொழில் நுட்பமும், புதிய டெக்னீஷியன்களுடன் வேலை பார்ப்பதும் புதுமையான அனுபவமாக உள்ளது என்றும் தனது மகிழ்ச்சியை வெளிப்படுத்துகிறாராம் ஸ்ரீதேவி.

• இவரை பற்றி
• செய்திகள்
• ஆல்பம்