Dinamalar

கங்காவிலும் கலக்குகிறாராம் கோவை சரளா!

கோயமுத்தூரைச்சேரந்தவரான டைரக்டர் கே.பாக்யராஜ்தான், தான் இயக்கி நடித்த முந்தானை முடிச்சு படத்தில் கோவை சரளாவை அறிமுகம் செய்தார். அதையடுத்து செந்திலுக்கு ஜோடியாக பல படங்களில நடித்ததோடு, கோவை தமிழில் பேசி நடித்து தனக்கென ஒரு அடையாளத்தை ஏற்படுத்திக்கொண்டார் கோவை சரளா.

அந்தவகையில், இதுவரை 160 படங்களில் நடித்து விட்ட அவரது மார்க்கெட் இடையில் தடுமாறினாலும், லாரன்ஸ் இயக்கி, நடித்த காஞ்சனா படத்திற்கு பிறகு மீண்டும் சூடு பிடித்தது. குறிப்பாக, அதே படம் தெலுங்கிலும் வெளியானதால், தமிழை விட அங்குதான் அவருக்கு அதிகமான படங்கள் புக்காகின.

பெரும்பாலும் திகில் படங்களிலேயே நடித்த கோவை சரளா, தமிழிலும் சுந்தர்.சி இயக்கிய அரண்மனை என்ற திகில் படத்தில் நடித்தவர், இப்போது அதே ராகவா லாரன்ஸ் இயக்கி வரும் முனி-3 கங்கா படத்திலும் நடிக்கிறர்ர். காஞ்சனா படத்தில் தேவதர்ஷினி, ஸ்ரீமனுடன் காம்பினேஷன் காட்சிகளில் நடித்த கோவை சரளா, இந்த படத்தில் ஸ்ரீமனுடன் இணைந்து நடித்துள்ளாராம். முக்கியமாக, காஞ்சனாவில் பேய் சம்பந்தப்பட்ட காட்சிகளில் ரசிகர்களை நடுநடுங்க வைக்கும் வகையில் நடித்து அவர் ஸ்கோர் பண்ணியிருந்ததால், இந்த படத்தில் இன்னும் கூடுதலான காட்சிகளை கோவை சரளாவுக்கு கொடுத்திருக்கிறாராம் லாரன்ஸ்.

• செய்திகள்
• ஆல்பம்