புதிய கதைகளை தேடி செல்லும் சிம்பு! | பிரதீப் ரங்கநாதன், அஸ்வத் கூட்டணியில் உருவாகும் டிராகன் படம்! | மீண்டும் ஹிந்துவாக மாறிய இசையமைப்பாளர் ஜிப்ரான்! | 'மணிசித்திரதாழு' படத்தை 50 முறை பார்த்தேன்- போஸ்டருடன் செல்வராகவன் வெளியிட்ட பதிவு! | துருவ் விக்ரம் நடிக்கும் புதிய படத்தின் அப்டேட்டை வெளியிட்ட விக்ரம்! | கடற்கரையில் பிகினியில் நீராடும் கங்குவா நாயகி திஷா பதானி! | மீண்டும் இணைந்த விஜய் தேவரகொண்டா - தில் ராஜூ | தள்ளிப்போகும் இந்தியன் 2 ... அதே தேதியை குறிவைக்கும் ராயன்? | விஜய் 69வது படத்தை தயாரிக்கும் யஷ் பட தயாரிப்பாளர்? | ‛மஞ்சும்மல் பாய்ஸ்' படம் தந்த பாடம்: நடிகர் சித்தார்த் அருண்பாண்டியன் |
80களின் முன்னணி நடிகையான அமலா தெலுங்குப் படங்களில் நடிக்க ஆரம்பித்ததும் அங்கு முன்னணி நடிகராக இருந்த நாகார்ஜுனாவை காதலித்து திருமணம் செய்து கொண்டார். அவர்களுக்கு அகில் என்ற ஒரு மகன் இருக்கிறார். குழந்தையாக இருந்த போதே 'சுட்டிக் குழந்தை' என்ற படத்தில் நடித்தவர்தான் அகில். இப்போது அவரை நாயகனாக அறிமுகப்படுத்த உள்ளார்கள். இதற்கு முன் ஏ.நாகேஸ்வரராவ், நாகார்ஜுனா, நாக சைதன்யா என ஒரே குடும்பத்தைச் சேர்ந்த தாத்தா, மகன், பேரன் நடித்த 'மனம்' படத்தில் அகிலும் ஒரு 'கேமியோ' தோற்றத்தில் நடித்ததற்கே மிகப் பெரிய வரவேற்பு கிடைத்தது.
பல முன்னணி இயக்குனர்களிடம் மகன் அகிலை நாயகனாக அறிமுகப்படுத்துவதற்காக கதை கேட்டு வந்தார் நாகார்ஜுனா. தற்போது பல வெற்றிப் படங்களைக் கொடுத்த கமர்ஷியல் இயக்குனரான வி.வி.விநாயக் மூலம் அகிலை அறிமுகப்படுத்த உள்ளார்கள். பல முன்னணி நடிகர்களை இயக்கிய விநாயக் சமீபத்தில் தயாரிப்பாளரான பெல்லம் கொண்டா ராஜுவின் மகன் சாய் சீனிவாசை 'அல்லுடு சீனு' என்ற படம் மூலமாக வெற்றிகரமான நாயகனாக அறிமுகம் செய்து வைத்தார்.
ஆனால், விநாயக் இதுவரை நாகார்ஜுனாவை இயக்கியதில்லை என்பது குறிப்பிடத்தக்கது. விநாயக் - அகில் இணையும் படத்தில் இரு ஹீரோயின்கள் நடிக்கும் வாய்ப்பு உள்ளதாம். இப்போது அகிலுக்கு ஜோடியாக நடிக்க பலர் முயன்று வருகிறார்கள் என டோலிவுட் வட்டாரங்கள் தெரிவிக்கின்றன.