Dinamalar

தீபாவளிக்கு ஐ படமும் ரிலீஸ்! ஆடியோவை அர்ணால்டு, ஜாக்கிசான் வெளியிடுகிறார்கள்!

வருகிற தீபாவளிக்கு விஜய்யின் கத்தி, விஷாலின் பூஜை உள்பட சில படங்கள்தான் திரைக்கு வருவதாக இருந்தது. ஆனால், இதுவரை போட்டியிலேயே இல்லாமல் இருந்த ஐ படமும் தற்போது சேர்ந்திருக்கிறது. 150 கோடி பட்ஜெட்டில் தயாராகியுள்ள இப்படத்தை டால்பி அட்மோஸ் 14.1 என்ற புதிய சவுண்ட் சிஸ்டத்துடன் ரிலீஸ் செய்கிறார்கள். தற்போது அனைத்துக்கட்ட வேலைகளும் முடிந்து விட்டதால் அடுத்த மாதம் ஆடியோ ரிலீஸ் செய்து விட்டு தீபாவளி தினத்தில் படத்தை வெளியிட முடிவு செய்து விட்டார்களாம்.

முன்னதாக படத்தின் ஆடியோ வெளியீட்டு விழா செப்டம்பர் 15ம் தேதி நடக்கிறது. தெலுங்கு ஐ படத்தின் ஆடியோவை ஹாலிவுட் நடிகர் ஜாக்கி சானும், தமிழ் ஐ படத்தின் ஆடியோவை ஹாலிவுட் நடிகர் அர்ணால்டும் வெளியிடுகிறார்கள்.

தீபாவளிக்கு பிறகு வெளியாக இருந்த இப்படம் தற்போது முந்திக்கொண்டு வருவதற்கு முக்கிய காரணம் விஜய்யின் கத்திதானாம். அப்படம் தீபாவளிக்கு வரும் என்று சொல்லப்பட்டாலும், எதிர்ப்புகள் காரணமாக வருவது கடினம் என்று கூறப்படுகிறது. அதனால்தான், நாம் எதிர்பார்க்கிற தியேட்டர்கள் கிடைக்கும் என்ற நம்பிக்கையில் தீபாவளி தினத்தில் ஐ களமிறங்குகிறதாம்.

• இவரை பற்றி
• செய்திகள்
• ஆல்பம்