Dinamalar

வந்தே மாதரம் பாடலை பாட ஏ.ஆர் ரஹ்மான் மறுத்தாரா ? சின்மயி பதில்

சமீபத்தில் ஏ.ஆர் ரஹ்மான் ஆங்கில சேனல் ஒன்றுக்கு அளித்த பேட்டியில் ஹிந்தி சினிமாவில் அவருக்கு வரும் வாய்ப்புகள் குறைந்ததற்கு காரணமாக சில விஷயங்களை குறிப்பிட்டார். ஆனால் அது மிகப்பெரிய சர்ச்சைகளை ஏற்படுத்தியது. அதைத் தொடர்ந்து அதற்காக விளக்கமும் அளித்தார்.

இந்த நிலையில் பாலிவுட் டிவி நிகழ்ச்சி தொகுப்பாளர் ஒருவர், “ஏ.ஆர்.ரஹ்மானின் இந்த கருத்துக்கள் ரொம்பவே புண்படுத்துவதாக இருக்கிறது. ஒருமுறை அவரை சேனல் ஒன்றுக்காக பேட்டி எடுத்தபோது அவரிடம் அவரது 'மா துஜே சலாம்' என்கிற 'வந்தே மாதரம்' பாடலை ஒரு சில வரிகளாவது பாடுங்கள் அல்லது ஹம்மிங்காவது செய்யுங்கள் என்று கூறினேன்.. ஆனால் அதற்கு அவர் திட்டவட்டமாக மறுத்துவிட்டார்.. பொதுவாக இசைக் கலைஞர்கள் இது போன்ற பேட்டிகளில் இப்படி பாடுவதை புறக்கணிக்க மாட்டார்கள் என்பதால் அவரது செயல் என்னை ரொம்பவே அப்செட் ஆக்கியது” என்று எக்ஸ் தளத்தில் ஒரு கருத்தை பதிவிட்டு இருந்தார்.

இந்த கருத்துக்கு பதிலடி விளக்கம் கொடுக்கும் விதமாக பின்னணி பாடகி சின்மயி தனது எக்ஸ் பக்கத்தில் பதிவு ஒன்றை வெளியிட்டுள்ளார். அதில் அவர் கூறும்போது, “ஏ.ஆர்.ரஹ்மான் கடந்த 2025 நவம்பரில் புனேயில் ஆர்கே லக்ஷ்மனின் நினைவு அவார்டு கான்சர்ட்டில் கூட 'மா துஜே சலாம்' பாடலை பாடினார். அது மட்டுமல்ல அவரது ஒவ்வொரு கான்சர்ட்டிலும் கூட அவர் இந்த பாடலை தவறாது பாடி வருகிறார். இந்த நிகழ்ச்சிகளை தொடர்ந்து பார்த்து வருபவர்களுக்கு இது நன்றாகவே தெரியும்.

மேற்படி நிகழ்ச்சி தொகுப்பாளரின் பேட்டியின் போது, அவருக்கு ஒரு வேளை பாடுவதற்கு குரல் சரி இல்லாமல் இருந்திருக்கலாம். அல்லது அப்போது பாடுவது சரியாக இருக்காது என்று அவர் நினைத்திருக்கலாமே தவிர அவர் ஒருபோதும் வந்தே மாதரம் பாடலை புறக்கணித்தது இல்லை” என்று கூறியுள்ளார்.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  2046ல் என்ன நடக்கும் ? ரஜிஷா விஜயனின் புதிய படம் பதில் சொல்லும்
• 
  ஆல்பம் பாடலில் அதிர வைக்கும் அழகுடன் மஞ்சு வாரியர்
• 
  ‛திரிஷ்யம் 3' கிளைமாக்ஸ் ஷாக்கிங் ஆக இருக்கும் : நடிகை ஆஷா சரத்
• 
  சம்பளத்துக்கு பதிலாக ஷேர் வாங்கும் அல்லு அர்ஜுன்!
• 
  மீண்டும் ஜிம்மில் ஒர்க்அவுட் செய்யும் வீடியோவை வெளியிட்ட திரிஷா!