Dinamalar

பொங்கல் படங்களில் வின்னர் எது? : 100கோடியை தாண்டுமா பராசக்தி

பொங்கலையொட்டி ஏகப்பட்ட படங்கள் வெளியாவது வாடிக்கை. ஆனால், கடந்த ஆண்டு தீபாவளியை போல பொங்கலுக்கும் குறைவான படங்களே வந்துள்ளன. இந்த ஆண்டு பொங்கலுக்கு சிவகார்த்திகேயனின் பராசக்தி, கார்த்தியின் வா வாத்தியார், ஜீவாவின் தலைவர் தம்பி தலைமையில் ஆகிய 3 தமிழ் படங்கள் மட்டுமே ரிலீஸ் ஆகியுள்ளன. ஜனவரி 10ம் தேதியே பராசக்தி வெளியாகிவிட்டதால் கடந்த 6 நாட்களில் 70 கோடி வரை வசூலித்து இருப்பதாக கூறப்படுகிறது. பொங்கல் விடுமுறை முடிவதற்குள், அதாவது வரும் ஞாயிற்றுகிழமைக்குள் இந்த படம் 100கோடியை எட்டும் என்று எதிர்பார்க்கப்படுகிறது.

சிவகார்த்திகேயனின் டான், அமரன், மதராசி படங்கள் 100 கோடி வசூலை தாண்டின. அந்தவகையில் பராசக்தியும் 100 கோடியை தாண்டி, அவருக்கு ஹாட்ரிக் சாதனையை கொடுக்கும் என்று எதிர்பார்க்கப்படுகிறது. ஆனால், அமரன் அளவுக்கு பெரிய வெற்றி பெறும், அமரன் சாதனையான 300கோடி வசூலை தாண்டும் என்பது நடக்காது. மதராசி வசூலை வேண்டுமானால் வருங்காலத்தில் மிஞ்சலாம். ஆகவே படம் பெரிய வெற்றியும் இல்லை, தோல்வியும் இல்லை என்ற நிலையில் இருக்கிறது. கடுமையான விமர்சனங்கள் பராசக்தி படத்தை பாதித்துள்ளன என்கிறார்கள் கோலிவுட்டில்.

கார்த்தியின் வா வாத்தியார் படத்துக்கும் கலவையான விமர்சனங்களே கிடைத்துள்ளன. ஆனாலும் படத்தை விளம்படுத்தும் முயற்சியில் கார்த்தி இறங்கி இருக்கிறார். திருப்பூர், திருச்சி சுற்றுவட்டார தியேட்டர்களுக்கு நேரில் விசிட் அடித்து வருகிறார்.

ஜீவா நடித்த தலைவர் தம்பி தலைமையில படத்துக்கு நல்ல விமர்சனம், வரவேற்பு கிடைத்துள்ளது. ஆனாலும், வசூல் குறைவாக உள்ளது. இரண்டு நாளில் 10 கோடியை தொட்டாலே பெரிய விஷயம். ஆனாலும், வருங்காலத்தில் இந்த படம் நன்றாக ஓடும். காமெடி படம் என்பதால் இந்த மாதம் முழுக்க கூட ஓட வாய்ப்பு என்கிறார்கள்.

ஆக, பொங்கல் படங்களில் சூப்பர் ஹிட் எதுவும் இல்லை. இந்த மாதம் 23ம் தேதி திரெளபதி2 மற்றும்பிரியாபவானிசங்கர் நடித்த ஹாட்ஸ்பாட்2 , ஜனவரி 30ம் தேதி விஜய்சேதுபதியின் காந்தி டாக்ஸ் மற்றும் படங்கள் வர உள்ளது. அதில் எந்த படம் வெற்றி பெறபோகிறதோ என்ற மனநிலையில் இருக்கிறார்கள் தியேட்டர் உரிமையாளர்கள்.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  சம்பளத்துக்கு பதிலாக ஷேர் வாங்கும் அல்லு அர்ஜுன்!
• 
  மீண்டும் ஜிம்மில் ஒர்க்அவுட் செய்யும் வீடியோவை வெளியிட்ட திரிஷா!
• 
  'வித் லவ்' படத்தின் வசூல் விவரம் குறித்து தகவல் இதோ!
• 
  தெலுங்கு படத்தை இயக்கும் 'மார்கோ' பட இயக்குனர்!
• 
  ஜி.வி. பிரகாஷூக்கு மாமாவாக நடிக்கும் வாய்ப்பை மிஸ் செய்த விஜய் ஆண்டனி!