Dinamalar

அஜீத்தைத் தொடர்ந்து விஜய், சூர்யா... தமன்னாவின் புதுக்கணக்கு!!

செகண்ட் இன்னிங்சில் எப்படி நயன்தாரா மீண்டும் அஜீத்துடன் இணைந்துள்ளாரோ, அதேபோல் தமன்னாவும் சிறுத்தை சிவா இயக்கும் படம் மூலம் இணையப்போகிறார். ஆக, இரண்டாவது ரவுண்டில் இருக்கும் இரண்டு நடிகைகளுக்கு வாழ்க்கை கொடுத்திருக்கிறார் அஜீத். அப்படி அவருடன் நடித்த அதிர்ஷ்டம் இப்போது பல படங்களை கைப்பற்றி பிசியான நடிகையாகி விட்டார் நயன்தாரா.

அதனால் அஜீத்துடன் நடிக்கப்போகும் நேரம் தன்னையும் பிசியாக்கி விடும் என்று எதிர்பார்க்கிறார் தமன்னா. இந்த நேரம் பார்த்து, சிலர் சிவகார்த்திகேயன், சிவா என சில மூன்றாம்தட்டு நடிகர்களின் படங்களில் ஒரு பாட்டுக்கு நடனமாட தமன்னாவை அழைத்தார்களாம். அந்த வார்த்தைகளைக்கேட்டு செம கடுப்பாகி விட்டாராம் அம்மணி. அஜீத் படத்தில் முடித்த கையோடு மீண்டும் விஜய், சூர்யா என்று எனது ரேஞ்சை உயர்த்தும் முயற்சியில் இருக்கிறேன். என்னைப்போய் துக்கடா நடிகர்களுடன் குத்துப்பாட்டுக்கு ஆடச்சொல்வதா? என்று கடித்து துப்பி விட்டாராம்.

ஆக, இச்சேதி கோடம்பாக்கத்தில் பரவியதையடுத்து, தமன்னா இருக்கிற ஏரியா பக்கம் செல்லவே பட்ஜெட் பட இயக்குனர்கள் அச்சப்படுகிறார்களாம்.

• இவரை பற்றி
• செய்திகள்
• ஆல்பம்