ஒளிப்பதிவாளர் விரல் துண்டானது ஆனாலும், மறுநாளே வந்தார்: ஏ.ஆர்.முருகதாஸ்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

25 ஆக, 2025 - 12:48 IST

எழுத்தின் அளவு:

சென்னையில் தனியார் கல்லுாரியில் நடந்த மதராஸி பாடல் வெளியீட்டு விழாவில் மனைவி, மகன், மகள் என குடும்பத்துடன் கலந்துகொண்டார் ஏ.ஆர்.முருகதாஸ். அதேபோல் ஹீரோ சிவகார்த்திகேயனும் தனது குடும்பத்தை அழைத்து வந்து இருந்தார்.

விழாவில் முருகதாஸ் பேசுகையில் ''இந்த படத்தில் இசையமைப்பாளர் அனிருத்தின் பங்களிப்பு மிகவும் பெரியது, இதில் அனிருத்னு இன்னொரு ஹீரோனு சொல்லலாம். நான் சோர்வாக இருக்கும்போது விக்ரம் படத்தோட பின்னணி இசையை கேட்பேன். விஜய்யுடன் வேலை பார்க்கும்போது, அவர்கிட்ட இருந்து டயலாக் வேற மாதிரி கிடைக்கும், அதே மாதிரிதான் அனிருத் தனித்தன்மையானவர். ஹீரோ தவிர ஹீரோயினாக நடித்த ருக்மிணி மற்றும் பிஜூ மேனன் கதைக்கு உயிர் கொடுத்திருக்காங்க. அய்யப்பனும் கோஷியும் படத்தை பார்த்த பிறகுதான் பிஜூ மேனனை ஒப்பந்தம் செய்தேன்.

12 உதவி இயக்குனர்கள் பங்கும் முக்கியானது, குறிப்பாக ஒளிப்பதிவாளர் உழைப்பு அபாரமானது. இலங்கையில் படப்பிடிப்பை நடத்தியபோது, பயங்கரமான புயல் வீசியது. அப்போது, ஒரு காட்சிக்காக உயரமான இடத்தில் இருந்து சிவகார்த்திகேயன் குதிக்கும்போது, அவரைவிட உயரமாக நின்றிருந்த ஒளிப்பதிவாளர், புயல் காற்றால் ட்ரோன் கேமரா யார் மீதும் மோதிவிடக் கூடாது என்று ஓடிப் போய் அதைப் பிடித்தார். அப்போது பிளேடு அவரது கையில் பட்டு விரல் தனியாக வந்துவிட்டது. நாங்கள் ஓடிப் போய் அவரது விரலைத் தேடிக் கண்டுபிடித்துக் கொடுத்தோம். விரலைச் சேர்த்த பிறகு, அடுத்த நாளே அவர் மீண்டும் படப்பிடிப்புக்கு வந்துவிட்டார். மதராஸி நல்ல கமர்ஷியல் படமாக இருக்கும் என்றார்.

ARMurugadoss

Madharasi

Sivakarthikeyan

ஏஆர்முருகதாஸ்

மதராஸி

சிவகார்த்திகேயன்

கருத்துகள் (0) கருத்தைப் பதிவு செய்ய

‛ஆட்டி' பெயர் சொல்லும் படமாக ...

இங்கிலாந்தின் உலக சாதனை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய