Dinamalar

நிஜத்திலும், சினிமாவிலும் அம்மா ஆன மந்த்ரா

விஜயுடன் 'லவ்டுடே', அஜித்துடன் 'ரெட்டை ஜடை வயது' மற்றும் 'பிரியம், கண்ணன் வருவான், கங்காகவுரி' போன்ற படங்களில் நடித்த மந்த்ரா, இப்போது நிஜ வாழ்க்கையிலும், சினிமாவிலும் அம்மாவாகிவிட்டார். இப்போது தமிழில் சற்றே இடைவெளிக்கு பின் 'உசுரே' என்ற படத்தில் அம்மாவாக நடிக்கிறார். நிஜத்தில் ஒரு பெண் குழந்தைக்கு அம்மாவாக இருக்கிறார். ஐதாராபாத்தில் வசிக்கிறார்.

இந்த படத்தில் அவரது மகளாக நடிப்பவர் பிக்பாஸ் ஜனனி. சென்னையில் நடந்த விழாவில் மந்த்ரா பேசுகையில், ''நான் ரீ என்ட்ரி ஆகி இருக்கிறேன். நல்ல கதைக்காக தமிழில் காத்திருந்தேன். இந்த படத்தில் அம்மாவாக நடித்தாலும், என் கேரக்டரில் நிறைய புதுமைகள் இருக்கும். என் மகளாக நடித்த ஜனனி, படத்திலும், நிஜத்திலும் கொஞ்சமான வார்த்தைகளைதான் பேசுகிறார். ஒரு படத்துக்கு தயாரிப்பாளர், இயக்குனர், கேமராமேன், இசையமைப்பாளர் முக்கியம். இவர்கள்தான் படத்தின் நான்கு துாண்கள். இந்த துாண்கள் நன்றாக இருந்தால் அந்த படம் நன்றாக அமையும்.
நல்ல கதைக்காக நான் காத்திருந்தபோது உசுரே படத்தின் கதை வந்தது. கேட்டவுடன் பிடித்தது. சிங்கிள் மதராக இருந்து கொண்டு ஒரு பெண்ணை உயிராக வளர்க்ககூடிய அம்மா கேரக்டர். என்றாலும் அவருக்குள்ளும் நிறைய முகங்கள் இருக்கும்.

இன்றைக்கு நிறை பேர் அம்மா கேரக்டர் செய்கிறார்கள். ஆனால் என்னை பொருத்தவரை ஒரு நாள் நடிக்கிற கேரக்டராக இருந்தாலும் வலுவாக இருக்க வேண்டும். ஏதோ வந்தோம், போனோம் அம்மாவாக பின்னாடி நின்றோம் என்று இருக்ககூடாது காத்திருந்து இந்த படத்தில் நடித்திருக்கிறேன்.'' என்றார்.
மந்த்ராவுக்கு தெலுங்கில் ராசி என பெயர். தமிழில் ஓரளவு கிளாமராக நடித்தவர் அங்கே படு ஹோம்லியாக நடித்தார். இப்போதும் பல தெலுங்கு சீரியல்களில் மந்த்ரா நடித்து வருகிறார்.

• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்
• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்

• 
  வேண்டுமென்றே சர்ச்சை... நீக்காவிட்டால் சட்ட நடவடிக்கை: ராஷ்மிகா ...
• 
  சிம்புவை அணுகிய சூர்யா 47 படக்குழு
• 
  பிளாஷ்பேக்: பாடலாசிரியராக, வசனகர்த்தாவாக கலையுலகின் கவனம் ஈர்த்த ...
• 
  காமெடி கலந்த க்ரைம் த்ரில்லர் படங்கள்: இந்த வார ஓடிடி வரவுகள்...!
• 
  என் மனைவி ஆர்த்தி இல்லை என்றால் தயாரிப்பாளராகி இருக்க மாட்டேன் : ...