Dinamalar

25வது ஆண்டில் அடியெடுத்து வைக்கும் அஜித்தின் 'சிட்டிசன்'

சரவண சுப்பையா இயக்கத்தில், தேவா இசையமைப்பில், அஜித், வசுந்தரா தாஸ், மீனா, நக்மா மற்றும் பலர் நடிப்பில் 2001ம் ஆண்டு ஜுன் மாதம் 9ம் தேதி வெளியான படம் 'சிட்டிசன்'. இப்படம் வெளிவந்து 24 ஆண்டுகள் முடிந்து 25வது ஆண்டில் அடியெடுத்து வைத்துள்ளது.

படம் வெளிவந்த போது வசூல் ரீதியாக பெரிய வரவேற்பைப் பெறவில்லை என்றாலும் குறிப்பிடத்தக்க அளவில் விமர்சனங்கள் வெளிவந்தன. ஆனால், பிற்காலத்தில் டிவியில் இப்படம் ஒளிபரப்பாகும் போது படத்தைப் புதிதாகப் பார்க்கும் அடுத்த தலைமுறையினர் பாராட்டினார்கள்.

அத்திப்பட்டி என்ற பெயர் ரசிகர்களிடம் மிகவும் பிரபலமானது. இந்திய வரைபடத்தில் இருந்தே அத்திப்பட்டி என்ற கிராமத்தை அரசியல்வாதிகளும், அதிகாரிகளும் மறைத்த வரலாறு தான் இந்தப் படத்தின் ஒரு வரிக் கதை.

பிளாஷ்பேக்கில் இடம் பெற்ற அஜித், மீனா ஆகியோரது நடிப்பும், மறைக்கப்பட்ட அத்திப்பட்டி கிராமத்தின் வழக்கை வேறொரு வழக்கு மூலமாக விசாரிக்கும் சிபிஐ அதிகாரி நக்மா நடிப்பும், மகன் அஜித்தின் விதவிதமான தோற்ற நடிப்பும் இந்தப் படம் டிவியில் ஒளிபரப்பாகும் போது அதிகம் பேசப்பட்ட, பகிரப்பட்ட கதாபாத்திரங்களாக அமைந்தது. நாயகி வசுந்தரா தாஸ், நிழல்கள் ரவி, தேவன், ஹனிபா, மோகன் நடராஜன் உள்ளிட்டவர்களின் கதாபாத்திரங்களும் படத்தில் முக்கியமானவை.

தேவா இசையில் சில பாடல்கள் அந்தக் காலத்தில் டிவிக்களில் அடிக்கடி ஒளிபரப்பப்பட்ட பாடல்களாக இருந்தன. படத்தின் உருவாக்கமும் டெக்னிக்கல் விஷயங்களும் மிரட்டலாகவே இருந்தன.

படம் வெளியான போது ஷங்கர் பாணியிலான ஒரு படம் என்று பேசப்பட்டது. மேக்கப் உள்ளிட்ட சில விஷங்களைச் சரியாகச் செய்திருந்தால் அப்போதே பெரும் வெற்றியைப் பெற்றிருக்கும். ஏனோ கமர்ஷியலாக பெரிய வெற்றி பெறாமல் போனது.

சில படங்கள் காலம் கடந்த பின்பும், ரசிகர்களிடம் நிற்கும். அந்த விதத்தில் அஜித் நடித்து வெளிவந்த படங்களில் இந்தப் படத்திற்கு ஒரு முக்கிய இடம் உண்டு என்பதை அழுத்தமாகவே பதிவு செய்யலாம்.

• 
  16 வயதுக்கு கீழ் உள்ளவர்களுக்கு தடை செய்ய வேண்டும் : சோனு சூட்
• 
  விவாகரத்து வதந்தி : கடும் கோபத்தை வெளிப்படுத்திய அபிஷேக் பச்சன்
• 
  பாகிஸ்தானுக்கு எதிரான கதையா? ரன்வீர் சிங்கின் துரந்தர் படத்திற்கு தடை
• 
  பனாரஸில் தேவநாகரி லோகோ உடன் ஒளிர்ந்த அவதார் பயர் அண்ட் ஆஷ்
• 
  ரூ.152 கோடி வசூலை கடந்த தனுஷின் தேரே இஸ்க் மே படம்

• 
  திருமணத்திற்கு பிறகு மும்பையில் குடியேறிய சமந்தா!
• 
  'ஜனநாயகன்' டிக்கெட் முன்பதிவு தொடங்கியது! ஜெர்மனியில் 5.5 லட்சம் வரை ...
• 
  'தி கேர்ள்ப்ரெண்ட்' பட முழு ஸ்கிரிப்ட்டையும் ஆன்லைனில் அப்லோடு செய்த ...
• 
  மலேசியாவில் அஜித்தை சந்தித்த ஸ்ரீ லீலா
• 
  நான் சொல்வதை அவன் கேட்கமாட்டான்: கூல் சுரேஷ் குறித்து சந்தானம்