கண்ணப்பா ஹார்ட் டிஸ்க் களவு போனதன் பின்னணியில் சகோதரர் : விஷ்ணு மஞ்சு குற்றச்சாட்டு

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

01 ஜூன், 2025 - 05:47 IST

எழுத்தின் அளவு:

Vishnu-Manju-accuses-brother-of-being-behind-Kannappas-hard-disk-theft

பான் இந்திய திரைப்படமாக வெளியாகும் விதமாக தெலுங்கில் தயாராகியுள்ளது கண்ணப்பா திரைப்படம். சீனியர் நடிகர் மோகன்பாபுவின் மூத்த மகன் விஷ்ணு மஞ்சு முக்கிய கதாபாத்திரத்தில் நடித்து, தயாரித்து உள்ளார். மோகன்லால், அக்ஷய் குமார், பிரபாஸ் ஆகியோர் முக்கிய கதாபாத்திரங்களில் நடித்துள்ளனர். புராண படமாக இது உருவாகியுள்ளது. வரும் ஜூன் மாதம் 27ஆம் தேதி இந்த படம் ரிலீஸ் ஆக இருக்கிறது. போஸ்ட் புரொடக்ஷன் பணிகள் விறுவிறுப்பாக நடைபெற்று வந்த நிலையில் சில நாட்களுக்கு முன்பு இந்த படத்தின் முக்கியமான காட்சிகள் அடங்கிய ஒரு ஹார்ட் டிஸ்க் களவு போனதாக விஷ்ணு மஞ்சு பரபரப்பாக ஒரு செய்தியை வெளியிட்டார்.

சமீபத்திய திரைப்பட விழா ஒன்றில் கலந்துகொண்டு அவர் பேசும்போது, “இது காணாமல் போனதன் பின்னணியில் உள்ள ரகு மற்றும் சரிதா என்கிற இருவரை அடையாளம் கண்டுபிடித்துள்ளோம். இவர்கள் இருவரும் மனோஜ் மஞ்சுவுடன் தொடர்புடையவர்கள். இது குறித்து மனோஜ் மஞ்சுவிடம் கேட்க பலமுறை தொடர்பு கொண்டும் அவர் தரப்பிலிருந்து எந்த பதிலும் இல்லை. அதனை தொடர்ந்து தான் இவர்கள் மீது காவல்துறையில் புகார் அளித்துள்ளோம். குடும்பத்தில் உள்ள பிரச்னைகளை குடும்ப அளவில்தான் பேசி தீர்க்க வேண்டுமே தவிர, இப்படி செய்யும் தொழிலில் அதை காட்டக்கூடாது” என்று கூறினார்.

மோகன் பாபு மற்றும் விஷ்ணு மஞ்சு இருவருக்குமே மனோஜ் மஞ்சு மீது மோதல் போக்கு கடந்த சில வருடங்களாகவே இருந்து வருகிறது. கடந்த சில மாதங்களுக்கு முன்பு கூட மோகன்பாபுவும், மஞ்சு மனோஜும் ஒருவரை ஒருவர் தாக்கியதாக மாறி மாறி காவல் நிலையத்தில் புகார் கொடுத்திருந்தார்கள் என்பது குறிப்பிடத்தக்கது.

Vishnumanchu

Mohanmanchu

Kannappa

கருத்துகள் (0) கருத்தைப் பதிவு செய்ய

சமந்தாவின் சுபம் படம் ஜுன் 13ல் ...

கொலை மிரட்டல் காரணமாக மேனேஜர் மீது ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய