சிம்பு, தனுஷ் படங்கள் அடுத்தடுத்து ரிலீஸ்: மீண்டும் உருவாகும் போட்டி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

27 மே, 2025 - 02:55 IST

எழுத்தின் அளவு:

Simbu-and-Dhanushs-films-release-back-to-back-Competition-is-brewing-again

தமிழ் சினிமா உலகில் எப்போதுமே இரண்டு முன்னணி நடிகர்களுக்கு இடையேதான் கடும் போட்டி நிலவும். எம்ஜிஆர் - சிவாஜி, ரஜினி - கமல், விஜய் - அஜித் என்பது மிகவும் பரபரப்பை ஏற்படுத்தியவை. அதற்குப் பிறகு சிம்பு - தனுஷ் என்று ஒரு போட்டி சூழல் உருவானது. ஆனால், அவர்கள் இருவருமே அந்த ஒரு சூழலை தங்களுக்கு சாதகமாக பெரிய அளவில் மாற்றிக் கொள்ளத் தவறிவிட்டார்கள். அதற்குள் அவர்களுக்கு அடுத்த தலைமுறை நடிகர்கள் முன்னேற ஆரம்பித்துவிட்டார்கள்.

ஒரு இடைவெளிக்குப் பிறகு அடுத்த மாதத்தில் சிம்பு, தனுஷ் படங்கள் அடுத்தடுத்து வெளியாக உள்ளன. மணிரத்னம் இயக்கத்தில் சிம்பு நடித்துள்ள 'தக் லைப்' படத்தில் சீனியர் நடிகரான கமல்ஹாசன்தான் 'மெயின் லீட்'. அதே அளவுக்கு சமமான கதாபாத்திரத்தில் சிம்பு இருக்கிறார். தெலுங்கின் முக்கிய இயக்குனரான சேகர் கம்முலா இயக்கத்தில் தனுஷ் நடித்துள்ள 'குபேரா' படத்தில் அவர்தான் 'மெயின் லீட்'. ஆனால், அதே அளவுக்கு சமமான கதாபாத்திரத்தில் சீனியர் நடிகரான நாகார்ஜுனாவும் நடித்திருக்கிறார். இருவரது படங்களிலும் சீனியர் நடிகர்கள் என்பது ஒரு ஒற்றுமை.

பான் இந்தியா வெளியீடாக வர உள்ள இந்த இரண்டு படங்களின் கதையும் சிறப்பாகவே இருக்கும் என்ற எதிர்பார்ப்பு அந்தப் படங்களின் முன்னோட்டத்தைப் பார்த்தபோது ஏற்பட்டுள்ளது. இரண்டு வார இடைவெளியில் அவர்களது படங்கள் வெளிவருவதால் இருவரது நடிப்பும், கதாபாத்திரங்களும், ஏன் வசூலும் கூட ஒப்பிட்டுப் பேச வாய்ப்புள்ளது.

ThugLife

Kuberaa

Simbu

Dhanush

கருத்துகள் (0) கருத்தைப் பதிவு செய்ய

ரெட்ரோ ரிலீஸ் தேதியில் சூர்யா 46

அல்லு அர்ஜுன் - அட்லி பட டைட்டில்கள் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய