ஜெயிலரின் வில்லனாக நடிக்க இருந்தது மம்முட்டி தான் ; ரகசியம் உடைத்த வசந்த் ரவி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

22 மே, 2025 - 11:34 IST

எழுத்தின் அளவு:

கடந்த 2023ல் நெல்சன் திலீப்குமார் இயக்கத்தில் ரஜினிகாந்த் நடிப்பில் 'ஜெயிலர்' திரைப்படம் வெளியாகி மிகப்பெரிய வெற்றியையும் வசூலையும் பெற்றது. இந்த படத்தில் மோகன்லால், சிவராஜ்குமார், ஜாக்கி ஷெராப் என மொழிக்கு ஒரு பிரபல நட்சத்திரங்கள் சிறப்பு கதாபாத்திரங்களில் நடித்திருந்தனர். அதேசமயம் படத்தில் வில்லனாக நடித்த மலையாள நடிகர் விநாயகன் ரசிகர்களின் மிகப்பெரிய பாராட்டுகளை பெற்றார்.

இந்த படத்தின் இசை வெளியீட்டு விழாவின் போது பேசிய ரஜினிகாந்த், முதலில் இந்த படத்திற்கு வில்லனாக நடிக்க வேறு ஒரு பிரபல ஹீரோவை அழைத்ததாகவும் அவர் தனது நண்பர் தான் என்றாலும் பின்னர் இருவரும் இணைந்து நடித்தால் சில சங்கடங்கள் இருப்பதை இருவருமே உணர்ந்ததால் அவருக்கு பதிலாக தான் விநாயகனை தேர்வு செய்ததாகவும் கூறியிருந்தார்.

அப்போது அவர் பெயரை குறிப்பிடாமல் கூறியதால், அது ரஜினியின் நண்பரான சிரஞ்சீவியாக இருக்கலாம் என்றும் மம்முட்டியாக இருக்கலாம் என்றும் ரசிகர்கள் யூகம் செய்தனர். இந்த நிலையில் ஜெயிலர் படத்தில் ரஜினிகாந்தின் மகனாக நடித்த வசந்த் ரவி சமீபத்தில் மலையாள சேனல் ஒன்றுக்கு அளித்த பேட்டியில் அந்த வில்லன் கதாபாத்திரத்தில் முதலில் நடிக்க அழைக்கப்பட்டவர் மம்முட்டி தான் என்கிற தகவலை கூறியுள்ளார். மம்முட்டியே நடித்திருந்தாலும் கூட விநாயகனை போல அந்த கதாபாத்திரத்திற்கு உயிர் கொடுத்திருக்க முடியுமா என்பது சந்தேகம்தான் என்கிறார்கள் ரசிகர்கள்.

Jailer

Mammootty

Villain

Jailer2

கருத்துகள் (0) கருத்தைப் பதிவு செய்ய

'டப்பா - ஆன்ட்டி' ரோல் ...

தள்ளிப்போகும் 'தொடரும்' பட ஓடிடி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய