Dinamalar

என்னாச்சு கேர்ள் பிரண்டுக்கு? : ரசிகர்களை அமைதிப்படுத்திய ராஷ்மிகா

ராஷ்மிகா மந்தனாவுக்கு கடந்த ஆறு மாதங்களில், புஷ்பா 2 படத்தின் மூலம் மிகப்பெரிய வெற்றி, பின்னர் ஹிந்தியில் வெளியான சாவா படத்தின் டீசன்டான வெற்றி என தொடர் வெற்றிகளும் இன்னொரு பக்கம் சிக்கந்தர் படத்தின் மூலம் கிடைத்த தோல்வி என ஏற்ற இறக்கத்துடன் திரைப்பயணம் சீராக சென்று கொண்டிருக்கிறது. அடுத்ததாக தனுஷுடன் இணைந்து நடித்துள்ள குபேரா திரைப்படம் வெளியாக இருக்கிறது. இந்த நிலையில் அவர் நடிப்பில் கடந்த இரண்டு வருடமாக தெலுங்கில் கேர்ள் பிரண்ட் என்கிற திரைப்படம் உருவாகி வருகிறது. பிரபல பின்னணி பாடகி சின்மயியின் கணவரும் தெலுங்கு நடிகருமான ராகுல் ரவீந்திரன் இந்த படத்தை இயக்கி வருகிறார்,

ஐந்து மொழிகளில் வெளியாக உள்ள இந்த படத்திற்கு ராஷ்மிகாவே டப்பிங் பேசியிருக்கிறார். இந்த படத்தின் டீசர் கடந்த வருடமே வெளியான நிலையில் இந்த படத்தின் ரிலீஸ் குறித்து அப்டேட் எதுவும் வெளியாகாததால் ராஷ்மிகாவின் ரசிகர்கள் பொறுமை இழந்து 'ரிலீஸ் த கேர்ள் பிரின்ட்' என்கிற ஹேஸ்டேக்கை எக்ஸ் தளத்தில் டிரெண்டிங் ஆக்க துவங்கினர்.

இதனைத் தொடர்ந்து ரசிகர்களை அமைதிப்படுத்தும் விதமாக ராஷ்மிகா தனது சோசியல் மீடியா பக்கத்தில் வெளியிட்டுள்ள பதிவில், “உங்களை நாங்கள் காக்க வைத்திருக்கிறோம் என்பது எனக்கு நன்றாகவே தெரியும். உங்களுடைய ட்ரெண்டிங் உண்மையிலேயே மதிப்பு மிக்க ஒன்று. அதேசமயம் இந்த படத்தின் மிகச்சிறந்த அவுட்புட்டை கொடுக்க வேண்டும் என்பதற்காக இயக்குனர் ராகுல் ரவீந்திரன் தொடர்ந்து பணியாற்றி வருகிறார். இதுவரை வெளியான படங்களிலேயே இது கொஞ்சம் வித்தியாசமான அம்சம் கொண்ட படமாக இருக்கும் என என்னை உறுதியாக நம்பலாம்” என்று கூறியுள்ளார் ராஷ்மிகா.

• 
  ஜுனியர் என்டிஆரின் 10 வருட தொடர் வெற்றியைப் பறித்த 'வார் 2'
• 
  மகன் இயக்கியுள்ள படம் குறித்து ஷாருக்கானின் நேர்மையான விமர்சனம்
• 
  ஸ்ரீ லீலாவை ஆலியா பட்டுக்கு போட்டியாக சித்தரிக்கும் பாலிவுட் ஊடகங்கள்!
• 
  பலாத்காரம் செய்யப்பட்டாலும் பெண்களைத்தான் குறை சொல்கிறார்கள்! -கங்கனா ...
• 
  கூலி படத்தில் அமீர்கானை வீணடித்து விட்டார்கள் : ரசிகர்கள் ஆதங்கம்

• 
  மார்ஷல் படத்தில் வில்லன் யார்...
• 
  கருப்பு படத்தில் நடிக்க மறுத்த சிம்பு.?
• 
  ராஷ்மிகா மந்தனா நடிக்கும் ‛தமா': தீபாவளிக்கு ரிலீசாகிறது
• 
  ஒரே மாதத்தில் கோட்டா சீனிவாசராவின் மனைவியும் மறைந்தார்!
• 
  சிக்கந்தர் தோல்வி: சல்மான்கான் மீது நேரடியாக குற்றம் சாட்டிய ...