Dinamalar

அந்த ஒரு விஷயத்தில் தெளிவாக இருக்கிறார் பிரித்விராஜ் ; மஞ்சுவாரியர் பாராட்டு

மலையாளத்தில் நடிகர் பிரித்விராஜ் முதன்முறையாக டைரக்ஷனில் இறங்கி மோகன்லாலை வைத்து 2019ல் 'லூசிபர்' என்கிற படத்தை இயக்கினார். படம் சூப்பர் ஹிட் ஆனது. அதனை தொடர்ந்து அதன் இரண்டாம் பாகம் தற்போது 'எம்புரான்' என்கிற பெயரில் உருவாகி உள்ளது. வரும் மார்ச் 27ம் தேதி இந்த படம் பான் இந்தியா படமாக வெளியாக இருக்கிறது. இது குறித்த புரமோஷன் நிகழ்ச்சிகளும் இந்த படத்தில் நடித்துள்ள முக்கிய கதாபாத்திர அறிமுகங்களும் தற்போது நடைபெற்று வருகின்றன.

அந்த வகையில் இந்த படத்தின் முதல் பாகத்தில் ஒரு அரசியல்வாதியின் மகளாக பிரியதர்ஷினி ராமதாஸ் என்கிற அழுத்தமான கதாபாத்திரத்தில் நடித்திருந்தார் நடிகை மஞ்சு வாரியர். இந்த இரண்டாம் பாகத்திலும் அவர் தொடர்கிறார். இந்த நிலையில் முதல் பாகம் மற்றும் இரண்டாம் பாகத்தில் இயக்குனர் பிரித்விராஜ் இயக்கத்தில் நடித்த அனுபவம் குறித்து மஞ்சு வாரியர் சமீபத்திய பேட்டி ஒன்றில் சிலாகித்து கூறியுள்ளார்.

இதுகுறித்து அவர் கூறும்போது, “என்னுடைய திரையுலக பயணத்தில் இந்த லூசிபர் திரைப்படமும் பிரியதர்ஷினி ராமதாஸ் என்கிற கதாபாத்திரமும் ரொம்பவே மறக்க முடியாதவை. ஒரு இயக்குனராக பிரித்விராஜை பொறுத்தவரை தனக்கு என்ன தேவை என்று தெரிந்து வைத்திருப்பதைப் போல தனக்கு என்ன தேவை இல்லை என்பது குறித்தும் தெளிவாகவே இருக்கிறார். அதனால் படப்பிடிப்பில் நடிகர்களை அவர் எளிதாக கையாள முடிகிறது. பல இயக்குனர்களிடம் பணியாற்றிய என்னை இது ஆச்சரியப்படுத்தியது. நிச்சயமாக எனக்கு பிடித்த பேவரைட் இயக்குனர்களை பட்டியலிட்டால் அதில் பிரித்விராஜுக்கு ஒரு முக்கியமான இடம் இருக்கும்” என்று பிரித்விராஜின் டைரக்ஷன் திறமையை புகழ்ந்துள்ளார் மஞ்சு வாரியர்.

• செய்திகள்
• வந்த படங்கள்

• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை
• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி

• 
  திருமண வரவேற்பு : வேட்டி சட்டையில் விஜய், புடவையில் ராஷ்மிகா
• 
  பான் இந்தியா படங்களை தள்ளி வைப்பது சரியா?
• 
  'மா இன்டி பங்காரம்' படப்பிடிப்பு தளத்தில் ஹோலி பண்டிகையை கொண்டாடிய ...
• 
  தேவிஸ்ரீ பிரசாத்துக்கு பதிலாக தமன் ; பவன் கல்யாண் படத்தின் இசையில் ...
• 
  அபுதாபியில் இருந்து பத்திரமாக ஊர் திரும்பிய சுவாசிகா