இதயம் முரளி ஆக மாறிய அதர்வா

13 பிப், 2025 - 06:40 IST

0 கருத்துகள் கருத்தைப் பதிவு செய்ய

எழுத்தின் அளவு:

மறைந்த நடிகர் முரளியின் மூத்த மகன் அதர்வா தமிழ் சினிமாவில் ‛பாணா காத்தாடி' படம் மூலம் அறிமுகமானார். தொடர்ந்து பரதேசி, ஈட்டி உள்ளிட்ட பல படங்களில் நடித்துள்ளார். வளர்ந்து வரும் இளம் தலைமுறை நடிகர்களில் ஒருவராக உள்ளார். தற்போது டான் பிக்சர்ஸ் தயாரிப்பாளர் ஆகாஷ் பாஸ்கரன் முதல்முறையாக இயக்கி வரும் படத்தில் அதர்வா கதாநாயகனாக நடித்து வருகிறார்.

இன்று(பிப்., 13) இப்படத்திற்கு 'இதயம் முரளி' என தலைப்பு வைத்துள்ளதாக அதிகாரப்பூர்வமாக அறிவித்துள்ளனர். நடிகர் முரளியின் அடையாளமாக இதயம் படம் உள்ளது. அதையே இப்போது படத்திற்கு தலைப்பாக்கி உள்ளனர். இப்படத்திற்கு தமன் இசையமைக்கிறார். இதில் நட்டி நட்ராஜ், பிரீத்தி முகுந்தன், கயாடு லோகர், பிரக்யா நக்ரா, ரக் ஷன், நிஹாரிகா ஆகியோர் முக்கிய கதாபாத்திரங்களில் நடிக்கின்றனர்.

இப்படத்தின் அறிமுக டீசர் ஒன்றை வெளியிட்டுள்ளனர். 5 நிமிடம் ஓடக்கூடிய அந்த டீசரில் அதர்வாவின் காதல், காதல் பிரேக்-அப் மாதிரியான விஷயங்கள் உள்ளன. மேலும் இந்த உலகத்தில் பெஸ்ட் லவ்வர் ரோமியோவோ, மஜ்னுவோ, அம்பிகாபதியோ... ஏன் டைட்டானிக் ஜாக் கூட இல்ல... நம்ம இதயம் முரளி தான்டா என்ற வசனம் உள்ளது. இதை வைத்து பார்க்கையில் படம் முழுக்க முழுக்க காதல் கதை என புரிந்து கொள்ள முடிகிறது. காதலர் தினத்தை முன்னிட்டு வெளியிடப்பட்ட இந்த டீசர் தற்போது வைரலாகி வருகிறது.

டீசர் லீங்க் : https://www.youtube.com/watch?v=kdvlqnNqUVU

IdhayamMurali

Atharvamurali

AakashBaskaran

PreityMukundan

கருத்துகள் (0) கருத்தைப் பதிவு செய்ய

ரேவதி இயக்கத்தில் பிரியாமணி, ஆரி ...

இன்றைய ரிலீஸ் - 10 படங்களில் 1 மட்டும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய