Dinamalar

மீண்டும் ஒரு ‛மிஸ்டர் பாரத்' : ரஜினி பட தலைப்பில் படம் தயாரிக்கும் லோகேஷ்

இயக்குனர் லோகேஷ் கனகராஜ் சமீபத்தில் ஜி ஸ்குவாட் நிறுவனத்தின் மூலம் படங்களை தயாரிக்க துவங்கியுள்ளார். முதல் படமாக 'பென்ஸ்' எனும் படத்தை தயாரித்து வருகிறார். இதில் ராகவா லாரன்ஸ் நாயகனாக நடிக்கிறார். இதைத் தொடர்ந்து ஜி ஸ்குவாட் நிறுவனத்தின் தயாரிப்பில் உருவாகும் இரண்டாம் படத்தை அறிவித்துள்ளார். இவருடன் இணைந்து பேஷன் ஸ்டுடியோஸ் மற்றும் தி ரூட் இரு நிறுவனங்கள் இணைந்து தயாரிக்கின்றனர்.

அதன்படி, அறிமுக இயக்குனர் நிரஞ்சன் இயக்கத்தில் யு-டியூப்பில் பிரபலமான பாரத் மற்றும் கட்சி சேர பாடலில் நடனமாடி பிரபலமான சம்யுக்தா விஸ்வநாதன் இருவரும் முதன்மை கதாபாத்திரங்களில் நடிக்கின்றனர். இந்த படத்திற்கு 'மிஸ்டர் பாரத்' என தலைப்பு வைத்துள்ளதாக காமெடி கலந்த ஒரு முன்னோட்ட வீடியோ உடன் அறிவித்துள்ளனர். இதில், லோகேஷ் கனகராஜூம் நடித்திருக்கிறார்.

1986ல் ஏவிஎம் தயாரிப்பில் எஸ்பி முத்துராமன் இயக்கத்தில் ரஜினி, சத்யராஜ், அம்பிகா உள்ளிட்டோர் நடிப்பில் ‛மிஸ்டர் பாரத்' என்ற படம் வெளியாகி வெற்றி பெற்றது. இப்போது அதேபெயரில் இந்த படத்தை தயாரிக்கிறார் லோகேஷ். அதுமட்டுமல்ல லோகேஷ் தற்போது ரஜினியை வைத்து கூலி என்ற படத்தையும் இயக்கி வருகிறார் என்பது குறிப்பிடத்தக்கது.

• 
  இந்தியாவில் 400 கோடி வசூல் கடந்த 'சாயரா'
• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...
• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்

• 
  ரஜினியின் ‛கூலி' படத்தின் பத்து நாள் வசூல் வெளியானது!
• 
  பிளாஷ்பேக்: அபூர்வ கலைப் படைப்பாக வந்து, ஆச்சர்யமிகு வெற்றியைப் பதிவு ...
• 
  ‛பாகுபலி தி எபிக்' படம் குறித்து ராஜமவுலி வெளியிட்ட தகவல்!
• 
  சிவகார்த்திகேயனின் ‛மதராஸி' படத்தின் தியேட்டர் உரிமை குறித்த தகவல் ...
• 
  63வது பிறந்த நாளை கொண்டாடிய ராதிகா!