Dinamalar

இடைவேளைக்கு பிறகான 'புஷ்பா 2' படத்தை முதலில் ஒட்டிய தியேட்டர் ; கேரளாவில் சுவாரஸ்யம்

சமீபத்தில் அல்லு அர்ஜுன் நடிப்பில் சுகுமார் இயக்கத்தில் வெளியான 'புஷ்பா 2' திரைப்படம் ரசிகர்களிடம் மிகப்பெரிய வரவேற்பு பெற்று. நான்கு நாட்களில் 800 கோடி ரூபாய் வசூலித்துள்ளது. ஏற்கனவே கடந்த மூன்று வருடங்களுக்கு முன்பு வெளியான புஷ்பா படத்தின் வெற்றி, அதன் பாடல்களுக்கு கிடைத்த வரவேற்பு என எல்லாமாக சேர்ந்து இந்த இரண்டாம் பாகத்திற்கு மிகப்பெரிய எதிர்பார்ப்பை ஏற்படுத்தி இருந்தது. அது ரிலீசுக்கு பின்பும் வெற்றியாக எதிரொலித்தது. அதே சமயம் இந்த படம் ரிலீஸ் ஆன ஹைதராபாத்தில் ஒரு பெண் எதிர்பாராத விதமாக தியேட்டர் நெரிசலில் சிக்கி மரணம் அடைந்த துயரமான சம்பவம் நடைபெற்றது. அதே சமயம் கேரளாவில் கொச்சியில் இந்த படம் திரையிடுவதில் ஒரு காமெடியான நிகழ்வும் நடைபெற்றுள்ளது தற்போது வெளிச்சத்திற்கு வந்துள்ளது.

கடந்த இரு தினங்களுக்கு முன்பு கொச்சியில் உள்ள சினி பாலிஷ் என்கிற மல்டிபிளக்ஸ் காம்ப்ளக்ஸ் திரையரங்குகளில் ஒன்றில் புஷ்பா 2 திரைப்படம் மாலை ஆறு மணி காட்சியாக திரையிடப்பட்டது. எதிர்பாராத விதமாக இடைவேளைக்குப் பிறகு துவங்கும் படக்காட்சியில் ஆரம்பத்திலிருந்து ஓட துவங்கியது. படம் பார்த்த பலருக்கும் டைட்டில் கார்டு கூட இல்லாமல் படம் ஓடுகிறதே என ஆரம்பத்தில் கொஞ்சம் சந்தேகம் வந்தாலும் படம் பார்த்த அனைவருமே அப்போதுதான் புதிதாக படத்தை பார்ப்பதால் ஒருவேளை இது திரைக்கதையில் ஒரு புதிய யுக்தியாக நான் லீனியர் முறையில் கதை சொல்கிறார்களோ என்பது போல நினைத்துக் கொண்டு படத்தின் சுவாரசியத்துடன் ஒன்றிவிட்டார்கள்.

ஆனால் கிட்டத்தட்ட 1 3/4 மணி நேரம் படம் ஓடி என்ட் டைட்டில் கார்டு ஓட துவங்கியதும் தான் படமே முடிந்து விட்டது என்றும் தாங்கள் பார்த்தது முதல் பாதியை அல்ல என்றும் அனைவருக்கும் தெரிய வந்துள்ளது. உடனே அனைவரும் தியேட்டர் நிர்வாகத்துடன் சண்டை போட துவங்கி உள்ளனர். பலரும் தங்களுக்கு பணத்தை திருப்பி கொடுக்கும்படி கேட்டு நெருக்கடி கொடுக்க ஆரம்பித்தனர். இன்னும் சிலரோ எங்களுக்கு இப்போதே முதல் பாதியை திரையிடுங்கள் என்று அங்கேயே பிடிவாதமாக அமர்ந்து விட்டனர்.

ஆனால் மீண்டும் முதல் பாகத்தைப் பார்க்க பொறுமை இல்லாமல் கிளம்பிய ரசிகர்களுக்கு பணத்தை திருப்பி தருவதாக ஒப்புக்கொண்ட நிர்வாகம், முதல் பாகத்தை பார்த்து விட்டு தான் கிளம்புவோம் என்று பிடிவாதம் பிடித்த சிறிய எண்ணிகையிலான ரசிகர்களுக்கு தனியாக ஒரு சின்ன திரையரங்கில் முதல் பாகத்தை மட்டும் ஒன்பது மணிக்கு மேல் திரையிட்டு காட்டி அனுப்பி வைத்துள்ளனர்.

• 
  உயிரோடு இருப்பேனா என அச்சம் ஏற்பட்டது ; லாஸ் ஏஞ்சல்ஸ் தீ விபத்தில் ...
• 
  ஹிந்தியில் எதிர்பார்த்ததை விட அதிகமாக வசூலித்த ‛கேம் சேஞ்ஜர்'
• 
  பாலிவுட்டின் மகா ஆரோக்கிய கேம்ப் அறிமுக விழாவில் விந்து தாரா சிங், பூனம் ...
• 
  பூச்சிக் கொல்லி மருந்து நிறுவனங்களின் மறுபக்கத்தை காட்டும் காஜல் ...
• 
  'எமர்ஜென்சி' படம் பார்க்க பிரியங்காவுக்கு கங்கனா அழைப்பு

• 
  ரஜினி நடிக்கும் 'ஜெயிலர் 2': அதிகாரப்பூர்வ அறிவிப்பு
• 
  காதலர்களுக்கு அனுபமா பரமேஸ்வரன் தரும் எச்சரிக்கை டிப்ஸ்
• 
  நடிகையை உருவ கேலி செய்த இயக்குனர் : பகிரங்கமாக மன்னிப்பு கேட்டார்
• 
  சரத்குமார் நடிக்கும் ஏழாம் இரவில்
• 
  தாராவியில் பொங்கல் கொண்டாடிய ஓவியா