Dinamalar

விரைவில் வெளியாகும் ஹேமா கமிட்டியின் விடுபட்ட பக்கங்கள் : மீண்டும் புயல் கிளம்புமா ?

மலையாள திரையுலகில் பெண்கள் வாய்ப்பு தேடி உள்ளே நுழையும்போது அங்கு இருக்கும் பிரபலங்களால் படுக்கைக்கு அழைக்கப்படுவதும், பாலியல் தொந்தரவுக்கு உள்ளாவதும் கடந்த பல வருடங்களாகவே நடந்து வருகிறது என கடந்த சில மாதங்களுக்கு முன்பு வெளியான நீதிபதி ஹேமா கமிஷன் அறிக்கை பட்டவர்த்தனமாக போட்டு உடைத்தது. இதனைத் தொடர்ந்து பல பெண்கள், பிரபலமான நடிகர்கள் இயக்குனர்கள் மீது பாலியல் குற்றச்சாட்டுகளை சுமத்தினார்கள். பலர் காவல் துறையிலும் புகார் செய்தார்கள். நடிகர்கள் சித்திக், முகேஷ் உள்ளிட்ட பிரபலங்கள் கைது செய்யப்பட்ட நிகழ்வும் நடந்தது.

அதேசமயம் இப்படி வெளியிடப்பட்ட இந்த அறிக்கையில் இடையே 16 பக்கங்கள் நீக்கப்பட்டு தான் வெளியானது. எதற்காக இந்த பக்கங்கள் நீக்கப்பட்டன என்பது குறித்து அப்போதே சலசலப்பை ஏற்படுத்தியது. ஆனால் இந்தப் பக்கங்களில் தான் யார் யார் இதுபோன்று பாலியல் அத்துமீறல்களில் ஈடுபட்டார்கள் என விசாரணையின் போது வாக்குமூலம் கொடுத்த சம்பந்தப்பட்ட பெண்கள் கூறிய தகவல்கள் இடம்பெற்றுள்ளன. பர்சனல் காரணங்களுக்காக இதை நிறுத்தி வைப்பதாக அப்போது கேரள அரசு கூறியிருந்தது.

ஆனாலும் சில பத்திரிகையாளர்கள், நீதிமன்றத்தின் மூலமும் தகவல் அறியும் உரிமைச் சட்டம் மூலமும் இந்த மறைக்கப்பட்ட பக்கங்களை வெளியிட வேண்டும் என தொடர்ந்து அழுத்தம் கொடுத்து வருகின்றனர். இந்த நிலையில் இன்று அந்த 16 பக்கங்களை வெளியிடுவது குறித்த முடிவு எடுக்கப்படும் என்று சொல்லப்பட்டு வருகிறது. இந்தப் பக்கங்கள் வெளியானால் இதில் அப்படி பாலியல் அத்துமீறல்களில் ஈடுபட்ட பிரபலங்களின் பெயர்களும் வெளிச்சத்திற்கு வரும் என்பதால் மீண்டும் மலையாள திரை உலகில் ஒரு புயல் வீசப்போவது மட்டும் உறுதி.

• 
  இரண்டே நாட்களில் 100 கோடி கடந்த 'சிக்கந்தர்'
• 
  இளம் பெண் பலாத்காரம்: பாலிவுட் இயக்குனர் கைது
• 
  ஏர்போர்ட்டில் தடையின்றி செல்ல தந்தையின் சலுகைகளை ரன்யா ராவ் ...
• 
  சிக்கந்தர் - மோசமில்லாத முதல் நாள் வசூல்
• 
  ஷங்கர் அடுத்து 'அவுட்டேட்டட்' பட்டியலில் இணைந்த ஏஆர் முருகதாஸ்

• 
  சித்தார்த்தை திருமணம் செய்ய இதுதான் காரணம் : அதிதி ராவ் வெளியிட்ட தகவல்
• 
  மீண்டும் அஜித் உடன் இணைந்தால் மகிழ்ச்சியே : ஆதிக் ரவிச்சந்திரன்
• 
  ஓடும் பேருந்தில் கொலை : பரபரனு நகரும் டென் ஹவர்ஸ் டிரைலர்
• 
  புத்திசாலித்தனம் இல்லாத முடிவா? : விஜய் சேதுபதிக்கு ஆதரவாக குரல் கொடுத்த ...
• 
  நடிகையின் ஆபாச வீடியோ.... நாசமா போங்க என பாடகி சின்மயி காட்டம்