Dinamalar

'விடாமுயற்சி' டீசர்: அஜித் ரசிகர்களை மகிழ வைத்த மகிழ் திருமேனி

மகிழ் திருமேனி இயக்கத்தில், அனிருத் இசையமைப்பில், அஜித்குமார், திரிஷா, அர்ஜுன், ரெஜினா கசான்ட்ரா மற்றும் பலர் நடிக்கும் படம் 'விடாமுயற்சி'. இப்படத்தின் டீசரை நேற்று இரவு திடீரென வெளியிட்டார்கள். டீசர் வெளியாவதற்கு சில மணி நேரங்கள் முன்புதான் அதற்கான முன்னறிவிப்பும் வந்தது.

இருந்தாலும் கடந்த இரண்டு வருடங்களாக அஜித் படங்களே வெளியாகாத நிலையில், எப்போது வந்தால் என்ன என அஜித் ரசிகர்களும் ஆரவாரத்துடன் டீசரை வரவேற்றுள்ளார்கள். தற்போது வரையில் 5 மில்லியன் பார்வைகளை இந்த டீசர் கடந்துள்ளது.

முற்றிலும் வெளிநாட்டில் நடக்கும் கதையாக இப்படம் உருவாகியுள்ளது டீசரிலேயே தெரிகிறது. 1997ல் வெளிவந்த 'பிரேக்டவுன்' என்ற ஹாலிவுட் படத்தின் தழுவலாக இந்தப் படம் இருக்கும் என்பதை டீசரும் உறுதிப்படுத்துகிறது என சில ரசிகர்கள் கமெண்ட் செய்து வருகிறார்கள்.

இருந்தாலும் யூடியூப் தளத்தில் டீசருக்கு பாசிட்டிவ்வான கமெண்ட்டுகள்தான் நிறைய வந்துள்ளது. இதுவரையிலுமே சுமார் 25 ஆயிரம் கமெண்ட்டுகள் பதிவாகியுள்ளது. டீசரில் உள்ள வாசகங்கள், கடைசியில் இடம் பெற்றுள்ள தொழில்நுட்பக் கலைஞர்களின் பெயர்கள் அனைத்துமே தமிழில் மட்டுமே இருப்பதற்கு ரசிகர்கள் பாராட்டுக்களைத் தெரிவித்து வருகிறார்கள்.

மேக்கிங்கில் அசத்தலாக இருப்பதால் 'விடாமுயற்சி' டீசர் மூலம் அஜித் ரசிகர்களுக்கு மகிழ்ச்சியைத் தந்திருக்கிறார் இயக்குனர் மகிழ் திருமேனி.

• 
  நலமாக இருக்கிறேன் : மருத்துவமனையிலிருந்து வீடு திரும்பினார் கோவிந்தா
• 
  நலமுடன் வீடு திரும்பினார் தர்மேந்திரா
• 
  சோஷியல் மீடியாவில் திடீரென வைரலான 'கிரிஜா ஓக் காட்போலி'
• 
  மன்னிக்க முடியாதது : ஹேமமாலினி கோபம்
• 
  தீவிர மருத்துவ சிகிச்சையில் நடிகர் தர்மேந்திரா : உடல்நிலையில் ...

• 
  ஸ்லிம்மாக இருக்க ஊசியா : தமன்னா பதில்
• 
  'கும்கி- 2' படத்திற்கு இடைக்கால தடை போட்ட சென்னை உயர்நீதிமன்றம்!
• 
  'டியூட்' படத்தை அடுத்து ஓடிடிக்கு வரும் 'பைசன்'
• 
  ரஜினியின் 'ஜெயிலர்- 2' படத்தில் இணைந்த மேக்னா ராஜ்!
• 
  அருள்நிதி, மம்தா மோகன்தாஸ் நடிக்கும் ‛மை டியர் சிஸ்டர்'