Dinamalar

4வது திருமணம் செய்த நடிகர் பாலா: முறைப்பெண்ணை மணந்தார்

அம்மா அப்பா செல்லம் படத்தின் மூலம் அறிமுகமானவர் நடிகர் பாலா. இவர் இயக்குனர் சிவாவின் சகோதரர். அவர் இயக்கத்தில் அஜித்குமார் நடித்த வீரம், ரஜினிகாந்த் நடித்த அண்ணாத்த படங்களிலும் பாலா நடித்திருந்தார். பல வருடங்களாக மலையாள திரையுலகில் கவனம் செலுத்தி வருகிறார். அடிக்கடி சர்ச்சையான விஷயங்களிலும் சிக்கி தவித்து வருகிறார்.

இவர், பின்னணி பாடகி அம்ருதா சுரேஷை காதலித்து 2010ல் திருமணம் செய்து கொண்டார். பின்னர் கருத்து வேறுபாடு காரணமாக அவரை 2016ல் விவாகரத்து செய்து பிரிந்தார். இவர்களுக்கு அவந்திகா என்கிற பெண் குழந்தை இருக்கிறது. அடுத்ததாக 2021ல் கேரளாவை சேர்ந்த டாக்டர் எலிசபெத் என்பவரை திருமணம் செய்தார். இவருடனும் ஏற்பட்ட கருத்து வேறுபாடு காரணமாக பிரிந்தார்.

அதுமட்டுமல்லாமல், இவர் அம்ருதா சுரேஷை திருமணம் செய்வதற்கு முன்பாகவே கடந்த 2008ல் கர்நாடகாவை சேர்ந்த சந்தனா சதாசிவா என்பவரை திருமணம் செய்திருந்தார் என்கிற திருமண சான்றிதழ் ஒன்று சோசியல் மீடியாவில் வெளியாகி பரபரப்பை ஏற்படுத்தியது. இந்த திருமணத்தை மறைத்து தன்னை திருமணம் செய்ததாக அம்ருதா சுரேசும் குற்றம் சாட்டியிருந்தார்.

இந்த நிலையில் நடிகர் பாலா, அவரது முறைப்பெண்ணான கோகிலா என்பவரை இன்று எர்ணாகுளம், கலூர் பாவகுளம் கோவிலில் திருமணம் செய்துள்ளார். இது பாலாவின் 4வது திருமணமாகும். நெருங்கிய உறவினர்கள் மட்டுமே திருமணத்தில் பங்கேற்றதாக கூறப்படுகிறது. ஏற்கனவே சில மாதங்களுக்கு முன்பு கோகிலாவுக்கு அவரது பிறந்த நாளன்று தான் கேக் ஊட்டி விட்ட வீடியோவையும் பிரியாணி ஊட்டிவிட்ட வீடியோவையும் சோசியல் மீடியாவில் வெளியிட்டிருந்தார் பாலா.

• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி
• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...

• 
  நடிகைகளை இதற்கு மட்டுமே பயன்படுத்துகிறார்கள் : ராதிகா ஆப்தே ஆதங்கம்
• 
  நிபந்தனையுடன் துல்கர் சல்மானின் லேண்ட்ரோவர் கார் திரும்ப ஒப்படைப்பு
• 
  கூகுள் கிளவுட் உடன் இணைந்த ஏஆர் ரஹ்மான்
• 
  எனக்கு பிடித்தமான ஹீரோ நானி : ருக்குமணி வசந்த்
• 
  சூர்யா 47- வது படத்தில் இணையும் பஹத் பாசில்