Dinamalar

பிளாஷ்பேக் : சரஸ்வதி, சச்சு ஆனது இப்படித்தான்

புகழ்பெற்ற காமெடி நடிகை சச்சு. குழந்தை நட்சத்திரமாக அறிமுகமாகி 300க்கும் மேற்பட்ட படங்களில் நடித்துள்ளார். 70 வயதை கடந்தும் இப்போதும் நடித்து வருகிறார். இவர் மயிலாப்பூர் பொண்ணு. நடன கலை குடும்பம். இவரது சகோதரி மாடி லட்சுமி. இவரும் நடன கலைஞர் சினிமாவில் நடனம் ஆடி வந்ததோடு, குணசித்ர வேடங்களில் நடித்தும் வந்தார். மயிலாப்பூரில் தெருவுக்கு நான்கு லட்சுமி இருப்பதால் மாடி வீட்டில் குடியிருந்த இவரை மாடிலட்சுமி என்று அடையாளப்படுத்த அதுவே பெயராகி விட்டது.

ஏவிஎம் நிறுவனம் தயாரித்த 'ராணி' என்ற படத்தில் மாடி லட்சுமி நடித்தார். ஒரு நாள் அவர் சச்சுவை படப்பிப்புக்கு அழைத்துச் சென்றார். படத்தில் பானுமதி நாயகி, ஏ.எஸ்.ஏ.சாமி இயக்குனர். இவர்கள் போன நேரம் அன்று படப்பிடிப்புக்கு வரவேண்டிய ஒரு குழந்தை நட்சத்திரம் உடல்நலக்குறைவு காரணமாக வரவில்லை. உடனே நிலமையை சமாளிக்க இயக்குனர் சாமி வேடிக்கை பார்க்க வந்த சச்சுவை நடிக்க வைக்க முடிவு செய்தார்.

“அவளுக்கு சரியா பேசவே வராதுங்க” என்று மாடி லட்சுமி சொல்லி பார்த்தார். ஆனால் சாமி கேட்காமல் நடிக்க வைத்தார். இப்படித்தான் சச்சு நடிகை ஆனார். அதன்பிறகு 50க்கும் மேற்பட்ட படங்களில் குழந்தை நட்சத்திரமாக நடித்த சச்சு, பின்னர் நாயகியாகவும், காமெடி நடிகையாகவும் வலம் வந்தார்.

சச்சுவின் இயற்பெயர் சரஸ்வதி. ஆனால் வீட்டில் உள்ளவர்கள் அதை சுருக்கி சச்சு என்று அழைப்பாளர்கள். அன்றைக்கு சினிமாவில் ஏகப்பட்ட சரஸ்வதிகள் இருந்ததால் தன் பெயரை சச்சு என்றே வைத்துக் கொண்டார்.

• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...
• 
  ''எல்லாமே முதன்முறை... பிகினியும் கூட...'': 'வார் 2' பற்றி கியாரா அத்வானி
• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!
• 
  அம்ரிதா பிரிதமின் வாழ்க்கை வரலாற்றில் நடிக்க விரும்பும் நிம்ரத் கவுர்
• 
  வார் 2 படத்தின் முக்கிய அப்டேட்

• 
  ஹாட்ரிக் வெற்றி : மகிழ்ச்சியில் சிம்ரன்
• 
  ஜெயிலர் 2வில் யோகிபாபு
• 
  என்னை கொல்ல சதி நடக்குது: ஜாக்குவார் தங்கம் அலறல்
• 
  இடியாப்ப சிக்கலில் விஜயகாந்த் மகன் திரைப்படம்
• 
  நயன்தாராவுடன் இணையும் படத்திற்காக போட்டோஷூட் நடத்திய சிரஞ்சீவி!