பிளாஷ்பேக் : சோக ராகங்கள் கூட சுக ராகங்களாக மாறும் எம்ஜிஆரின் பாடல்கள் | செப். 20ல் வேட்டையன் பட இசை வெளியீட்டு விழா | கார்த்தி 29வது படத்தை இயக்கும் டாணாக்காரன் பட இயக்குனர் | மீண்டும் இணைந்த செல்வராகவன் - ஜி.வி. பிரகாஷ் கூட்டணி! | மூக்குத்தி அம்மன் 2வை இயக்கும் சுந்தர் சி | ஜானி மாஸ்டரை கட்சியிலிருந்து நீக்கிய ஜனசேனா கட்சி | 'குட் பேட் அக்லி' படத்தில் விஜய்யின் வசனத்தை பேசி நடிக்கும் அஜித்! | அசோக்செல்வன் எப்படிப்பட்டவர்? உடைத்து பேசிய கீர்த்தி பாண்டியன்! | பாலிவுட்டில் வில்லனாக என்ட்ரி கொடுக்கும் சூர்யா? | 7 மாதங்களுக்குப் பிறகு ஓடிடியில் வெளியாகும் லால் சலாம்! |
நடிகர் விஜய்யின் தமிழக வெற்றிக் கழகத்தின் கொடி, வரும் 22ம் தேதி சென்னை, பனையூரில் அறிமுகம் செய்ய உள்ள நிலையில் இன்று மஞ்சள் நிறத்தில் விஜய் உருவம் பொறித்த கொடி ஒன்று கொடி கம்பத்தில் ஏற்றி ஒத்திகை பார்க்கப்பட்டது.
தமிழ் சினிமாவில் முன்னணி நடிகராக இருப்பவர் விஜய். 'விஜய் மக்கள் இயக்கம்' என்ற தன் ரசிகர் மன்றத்தை, கடந்த பிப்ரவரி 2ம் தேதி, தமிழக வெற்றிக் கழகம் என்ற அரசியல் கட்சியாக விஜய் மாற்றினார். லோக்சபா தேர்தலுக்கு முன்பே கட்சி துவங்கினாலும், 2026 சட்டசபை தேர்தலே இலக்கு என அறிவித்தார். தனி கட்சி துவங்கி விட்டதால், இருக்கும் படங்களை முடித்து, முழுநேரமாக அரசியலில் ஈடுபடப் போவதாக அறிவித்த விஜய், கட்சியை கட்டமைக்கும் பணியில் ஈடுபட்டு வருகிறார். மாணவர்கள், இளைஞர்களை குறிவைத்து அரசியல் பணிகளில் ஈடுபட்டு வருகிறார்.
இந்நிலையில், தமிழக வெற்றிக் கழகத்தின் முதல் மாநாடு, வரும் செப்., 22-ம் தேதி, விழுப்புரம் மாவட்டம், விக்கிரவாண்டியில் நடக்கவுள்ளது. மாநாட்டின்போது கட்சி கொடி அறிமுகம் செய்யப்படும் என ஏற்கனவே அறிவிக்கப்பட்டிருந்தது. ஆனால், அதற்கு முன்பாகவே கட்சிக் கொடியை வரும் 22ம் தேதி, பனையூரில் உள்ள கட்சி அலுவலகத்திலேயே புதிய கொடியை விஜய் அறிமுகம் செய்யவிருப்பதாக தமிழக வெற்றிக் கழகம் சார்பில் அறிவிக்கப்பட்டுள்ளது.
கட்சி கொடிக் கம்பம் நடப்பட்டு இதற்கான பணிகள் பனையூர் கட்சி அலுவலகத்தில் நடந்து வந்தது. இந்நிலையில் இன்று(ஆக., 19) கட்சி அலுவலகத்திற்கு வந்த விஜய் ஒத்திகை நிகழ்ச்சியாக கட்சி கொடி ஒன்றை ஏற்றினார். அதில் மஞ்சள் நிறத்தில் மத்தியில் விஜய் உருவம் பதித்த கொடி இடம் பெற்று இருந்தது. இதுதான் தமிழக வெற்றிக் கழகத்தின் கொடியா என தெரியவில்லை. ஒத்திகைக்காக இப்படி ஒரு கொடியை ஏற்றி உள்ளதாக சொல்கிறார்கள். அதிகாரப்பூர்வ கட்சி கொடி வரும் 22ம் தேதி தான் வெளியாகிறதாம். இதனிடையே இன்றைய ஒத்திகையின் போது விஜய் கட்சிக்கான கொள்கை பாடல் ஒன்றும் வெளியிடப்பட்டுள்ளதாம். இதனை பாடலாசிரியர் விஜய் எழுதி உள்ளார்.