600 மில்லியனைக் கடந்த எனிமி படத்தின் டம் டம் பாடல் - Tum Tum song from Enemy crosses 600 million

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

600 மில்லியனைக் கடந்த 'எனிமி' படத்தின் 'டம் டம்' பாடல்

13 ஆக, 2024 - 03:21 IST

எழுத்தின் அளவு:

Tum-Tum-song-from-Enemy-crosses-600-million

தமிழ் சினிமா பாடல்களில் 1500 மில்லியன் பார்வைகளைக் கடந்து முதலிடத்தில் உள்ளது 'ரவுடி பேபி'. யுவன்ஷங்கர் ராஜா இசையில் தனுஷ், தீ பாடிய அந்தப் பாடல் தற்போது 1573 மில்லியன்களைக் கடந்து யு டியுபில் தற்போதும் தினமும் லட்சக்கணக்கான பார்வைகளுடன் ரசிக்கப்பட்டு வருகிறது.

அந்தப் பாடலுக்குப் பிறகு 'பீஸ்ட்' படப் பாடலான 'அரபிக் குத்து' பாடல் 621 மில்லியன் பார்வைகளைக் கடந்து இரண்டாவது இடத்தில் உள்ளது. அனிருத் இசையமைத்து ஜோனிதா காந்தியுடன் இணைந்து பாடிய பாடல் இது.

தமிழ் சினிமாவில் இதுவரை வெளிவந்த பாடல்களில் 'ரவுடி பேபி மற்றும் அரபிக் குத்து' ஆகிய பாடல்கள் மட்டுமே 600 மில்லியன் பார்வைகளைக் கடந்த பாடலாக இருந்தது. அந்த வரிசையில் தற்போது 'எனிமி' படப் பாடலான 'டம் டம்' பாடல் இணைந்துள்ளது.

தமன் இசையமைப்பில், ஸ்ரீவர்த்தினி, அதிதி, சத்யா யாமினி, ரோஷினி, தேஜஸ்வனி ஆகியோர் பாடிய 'டம் டம்' பாடல் எந்த பரபரப்பும் இல்லாமல் 600 மில்லியன் சாதனையைப் பெற்றுள்ளது.

'எனிமி' படத்தை ஆனந்த் சங்கர் இயக்க, விஷால் கதாநாயகனாக நடிக்க, ஆர்யா வில்லனாக நடிக்க, மிர்ணாளினி ரவி, பிரகாஷ் ராஜ், தம்பி ராமையா, மம்தா மோகன்தாஸ் ஆகியோர் நடித்திருந்தனர். இப்படம் 2021ம் ஆண்டு வெளியானது.

Enemymovie

Tumtumsong

கருத்துகள் (0) கருத்தைப் பதிவு செய்ய

'யாரைப்' பற்றிச் சொல்கிறார் ...

பிளாஷ்பேக் : கட்டபொம்மன் கதையை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய