ஆகஸ்ட் 9ல் மொத்தமாய் வரும் 8 படங்கள்

07 ஆக, 2024 - 11:37 IST

0 கருத்துகள் கருத்தைப் பதிவு செய்ய

எழுத்தின் அளவு:

2024ம் ஆண்டின் அடுத்த நான்கு மாதங்கள் தமிழ் சினிமாவுக்கு மிகவும் பிஸியான மாதங்கள். ஆயுத பூஜை, தீபாவளி, கிறிஸ்துமஸ் ஆகிய விடுமுறை நாட்களில் சில பெரிய படங்கள், அவற்றிற்கிடையில் மேலும் சில பெரிய படங்கள் என அடுத்தடுத்து வெளியாக உள்ளன. அதனால் கிடைக்கும் 'கேப்'ல் மட்டுமே சிறிய படங்களை வெளியிட்டாக வேண்டும்.

சிறிய படங்களுக்கான வெளியீட்டுத் தேதிகளை எந்த ஒரு திரைப்பட சங்கமும் கதவைத் திறந்து வழி கொடுப்பதில்லை. தியேட்டர்காரர்களே பெரிய படங்களுக்கு மட்டுமே முன்னுரிமை கொடுத்து தியேட்டர்களைத் தருகிறார்கள் என்ற குற்றச்சாட்டை சிறிய தயாரிப்பாளர்கள் எப்போதுமே சொல்லி வருகிறார்கள்.

இந்நிலையில் இந்த வாரம் ஆகஸ்ட் 9ம் தேதி 8 படங்கள் வரை வெளியாகும் என்று எதிர்பார்க்கப்படுகிறது. இதில் நீண்ட இடைவெளிக்குப் பிறகு பிரசாந்த் கதாநாயகனாக நடித்து வெளியாக உள்ள 'அந்தகன்' படம் மட்டுமே கொஞ்சம் ஸ்டார் அந்தஸ்து உள்ள ஒரு படம். மற்ற படங்கள் அனைத்துமே ஸ்டார் அந்தஸ்தில்லாத சிறிய படங்களே. “அந்தகன், கவுண்டம்பாளையம், லைட் அவுஸ், மின்மினி, பி 2 இருவர், பார்க், சூரியனும் சுரியகாந்தியும், வீராயி மக்கள்” ஆகிய படங்கள் வெளியாக உள்ளதாக அறிவிக்கப்பட்டுள்ளன. கடைசி நேரத்தில் இவற்றில் ஏதாவது மாற்றம் வரலாம்.

கடந்த வாரம் வெளியான சிறிய படங்களில் ஒரு சில விமர்சனரீதியாக வரவேற்பைப் பெற்றிருந்தாலும் வசூல் ரீதியாக எந்த ஒரு படமும் சரியாக அமையவில்லை என்பதுதான் தியேட்டர் வட்டாரங்களில் சொல்லப்படும் நிலை. இந்த வாரத்தில் வெளியாகும் சிறிய படங்கள் அடுத்த வாரம் வரை மட்டுமே தாங்கும்.

அடுத்த வாரம் ஆகஸ்ட் 15ல் 'தங்கலான், டிமாண்டி காலனி 2, ரகு தாத்தா' ஆகிய படங்கள் வருகின்றன. முன்னணி நிறுவனங்களின் படங்கள் என்பதால் அவை அனைத்து தியேட்டர்களையும் ஆக்கிரமித்துக் கொள்ளும்.

August9release

Andhagan

veraimakkal

Minmini

kavundampalayam

கருத்துகள் (0) கருத்தைப் பதிவு செய்ய

சிங்களப் பாடலைக் காப்பியடித்தாரா ...

அனிருத் காப்பி சர்ச்சை… : சிங்கள ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய