Dinamalar

'கல்கி' டிரைலர் வெளியீடு : ஒரு நொடி வெளியான கமலின் தோற்றம்

நாக் அஸ்வின் இயக்கத்தில் பிரபாஸ் ஹீரோவாக நடிக்கும் படம், 'கல்கி 2898 ஏடி'. இதில் அமிதாப் பச்சன், கமல்ஹாசன், தீபிகா படுகோனே, திஷா பதானி, அன்னா பென், பசுபதி, ஐஸ்வர்யா ராய் உட்பட பலர் நடிக்கின்றனர். சந்தோஷ் நாராயணன் இசை அமைக்கிறார். வைஜெயந்தி மூவிஸ் தயாரித்துள்ளனர். இப்படத்தின் கதை 6000 ஆண்டுகள் நடக்கும் கதையாக உருவாகி உள்ளது. இந்தியிலும், தெலுங்கிலும் படமாக்கப்பட்டுள்ளது. தமிழில் டப் ஆகிறது. படம் வரும் 27-ம் தேதி திரையரங்குகளில் வெளியாகும் என அறிவிக்கப்பட்டுள்ளது.

இந்த நிலையில் படத்தின் டிரைலர் நேற்று வெளியிடப்பட்டது. இயக்குநர் நாக் அஸ்வின் முன்பு சொன்னது போலவே கதை மகாபாரதக் காலத்தில் இருந்து துவங்குகிறது. தீபிகா, அமிதாப்பின் தோற்றங்கள் மிரட்டுகிறது. இதுதவிர ஹாலிவுட் படங்களில் இருக்கும் டெக்னாலஜி இந்த படத்திலும் தெரிகிறது. பிரபாஸின் ஆக் ஷன், அவரின் தோற்றம், புஜ்ஜி கார் என மிரட்டலாக உள்ளது.

டிரைலரின் இறுதியில் வில்லனாக கமலின் என்ட்ரி மாஸ் கூட்டுகிறது. கமலின் முகத்தோற்றம் ஒரு விநாடி இடம் பெறுகிறது. அதோடு “பயப்படாதே... புது பிரபஞ்சம் வந்துகிட்டு இருக்கு” என்கிறார் கமல்.

ஹாலிவுட் தரத்தில் டிரைலர் இருந்தாலும் அதிலும் குறைகள் கண்டுபிடித்து நெட்டிசன்கள் பகிர்ந்து வருகிறார்கள். இரண்டு பாகங்களாக வெளிவரும் கல்கி படத்தின் முதல் பாகத்தில் கமலின் பகுதி குறைவாகவே வருகிறது. இரண்டாம் பகுதியில் தான் அவரின் காட்சிகள் அதிகம் உள்ளது என்கிறார்கள்.

• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்
• 
  300 மில்லியன் பார்வைகளைக் கடந்த 'துரந்தர் 2' டிரைலர்
• 
  சன்னி தியோலின் லாகூர் 1947 பட டைட்டில் மாற்றம் ?
• 
  துரந்தர் 2 தெலுங்கு பதிப்பில் இடம் பெறும் ஹிந்தி பாடல்கள்

• 
  ஷாருக்கானை தொடர்ந்து சல்மான்கானுக்கு ஜோடியாகும் நயன்தாரா
• 
  ஹன்சிகா - சோஹைல் விவாகரத்து: 4 ஆண்டுகளில் முடிவுக்கு வந்த திருமண வாழ்க்கை
• 
  லாபத்தில் பங்காக சம்பளம் : ராதிகா பெருமிதம்
• 
  விஜயும் யோசித்திருப்பார்.. திரிஷாவுக்கு வாழ்த்துகள்..: பார்த்திபன் 2வது ...
• 
  மேக்கப் போடுவதில் எனக்கு ஆர்வம் கிடையாது : சாரா அர்ஜுன்