Dinamalar

முதன்முறையாக இமான் இசையில் பின்னணி பாடிய மனோ

'சில நேரங்களில் சில மனிதர்கள்' மற்றும் 'செம்பி' படத்தை தயாரித்த ஏ.ஆர் என்டர்டைன்மென்ட் நிறுவனத்தின் தயாரிப்பில் உருவாகி உள்ள படம் 'லெவன்'. இயக்குநர் சுந்தர்.சியிடம் 'கலகலப்பு 2', 'வந்தா ராஜாவா தான் வருவேன், மற்றும் 'ஆக்ஷன்' ஆகிய திரைப்படங்களில் இணை இயக்குநராக பணியாற்றிய லோகேஷ் அஜில்ஸ் இயக்குகிறார்.

தமிழ் மற்றும் தெலுங்கு ஆகிய இரு மொழிகளில் ஒரே நேரத்தில் உருவாகும் இந்த படத்தில் நவீன் சந்திரா நாயகனாக நடிக்கிறார். இவர் தற்போது இயக்குநர் ஷங்கரின் 'கேம் சேஞ்சர்' உள்ளிட்ட படங்களில் நடித்து வருகிறார். ரியா ஹரி நாயகியாக நடிக்கும் இப்படத்தில் அபிராமி, ஆடுகளம் நரேன், திலீபன், ரித்விகா உள்ளிட்டோர் நடிக்கின்றனர். இசையை டி. இமான் அமைக்க, கார்த்திக் அசோகன் ஒளிப்பதிவை கவனிக்கிறார்.

படம் பற்றி இயக்குனர் லோகேஷ் அஜில்ஸ் கூறும்போது “ஆரம்பம் முதல் இறுதி வரை பார்வையாளர்களை இருக்கையின் நுனிக்கே கொண்டு வரும் விறுவிறுப்பான புலனாய்வு திரில்லராக 'லெவன்' அமையும். திறமைமிக்க நடிகர்கள் மற்றும் தொழில்நுட்ப கலைஞர்கள் இப்படத்திற்காக இணைந்துள்ளார்கள். அனைவரையும் கவரும் விதத்தில் திரைப்படம் அமையும் என்று நம்புகிறேன்" என்கிறார்.

இந்த படத்தின் மூலம் முதன்முறையாக இமான் இசையில் மனோ பாடி உள்ளார். மனோ கூறும்போது "இமான் இசையை தொடர்ந்து ரசித்து வருகிறேன். அவர் இசையமைத்துள்ள பாடல் ஒன்றுக்கு முதல் முறையாக பாடுவது மிக்க மகிழ்ச்சி. உயிரோட்டமிக்க இந்த பாடல் பெரிதும் வரவேற்கப்படும் என்று நம்புகிறேன்" என்றார்.

• 
  தங்கம் கடத்தலில் ஈடுபட்டு சிறையில் இருக்கும் நடிகைக்கு 102 கோடி அபராதம்
• 
  குருவாயூரப்பனை தரிசனம் செய்த அக்ஷய் குமார்
• 
  இயக்குனர் சஞ்சய் லீலா பன்சாலி மீது ராஜஸ்தானில் எப்ஐஆர் பதிவு
• 
  ரூ.581 கோடி வசூல் பெற்ற 'சாயரா'
• 
  பார்வையாளர்களின் பதிலை மட்டுமே மதிக்கிறேன் : பல்லவி ஜோஷி

• 
  பிளாஷ்பேக்: கே.ஆர்.விஜயாவை அறிமுகப்படுத்தி 100வது, 200வது படத்தையும் இயக்கிய ...
• 
  பிளாஷ்பேக்: குறைந்த சம்பளத்தில் வில்லனாக நடித்த ஜெமினி கணேஷ்
• 
  'குடும்பம் ஒரு கதம்பம்' புகழ் குரியகோஸ் ரங்கா காலமானார் : யார் இவர்... ...
• 
  வசூல் நாயகிகளில் முதலிடம் பிடித்த கல்யாணி பிரியதர்ஷன்
• 
  தமிழ் மார்க்கெட்டை பிடிக்கும் மலையாள படங்கள்