மே 17ல் வருகிறார் சத்யபாமா

23 ஏப், 2024 - 01:22 IST

0 கருத்துகள் கருத்தைப் பதிவு செய்ய

எழுத்தின் அளவு:

திருமணத்திற்கு பிறகு தமிழ் சினிமாவில் மார்க்கெட் குறைந்தாலும் தெலுங்கு சினிமாவில் தக்க வைத்துக் கொண்டிருக்கிறார் காஜல் அகர்வால். 2007ம் ஆண்டு வெளிவந்த 'லக்ஷ்மி கல்யாணம்' படத்தின் மூலம் தெலுங்கில் அறிமுகமானவருக்கு 2009ம் ஆண்டு ராஜமவுலி இயக்கத்தில் வெளிவந்த 'மகதீரா ' படம் மிகப்பெரிய திருப்பு முனையாக அமைந்தது. அதைத் தொடர்ந்து டார்லிங், பிருந்தாவனம், மிஸ்டர் பெர்பக்ட், நாயக், பிசினஸ்மேன் போன்ற படங்களில் முன்னணி நட்சத்திரங்களுடன் ஜோடியாக நடித்தார்.

திருமணத்திற்கு பிறகு காஜல் தமிழில் நடித்த ஹேய் சினாமிகா, கோஸ்டி, கருங்காப்பியம் படங்கள் அவருக்கு எந்த பலனையும் தரவில்லை. தற்போது இந்தியன் 2 படத்தில் நடித்து வருகிறார். ஆனால் தெலுங்கில் கடைசியாக நடித்த 'பகவன்த் கேசரி' படம் அவருக்கு ரீ என்டரி கொடுத்தது. தற்போது அவர் தெலுங்கில் நடித்துள்ள படம் 'சத்யபாமா'.

இந்த படத்தில் காஜல் சோலோ ஹீரோயினாக என்கவுன்டர் ஸ்பெஷலிஸ்ட் போலீஸ் அதிகாரியாக நடித்துள்ளார். அறிமுக இயக்குனரான சுமன் சிக்கலா இப்படத்தை இயக்கியுள்ளார். காஜல் அகர்வாலுடன் பிரகாஷ்ராஜ் மற்றும் நவீன் சந்திரா ஆகியோர் நடித்துள்ளனர். படம் வரும் மே 17ம் தேதி வெளியாகிறது என அறிவிக்கப்பட்டுள்ளது.

Kajalaggarwal

Satyabhama

கருத்துகள் (0) கருத்தைப் பதிவு செய்ய

பிளாஷ்பேக் : ஜானகியை காத்த ராமன்

'குரங்கு பெடல்' 80ஸ் கிட்ஸின் கதை : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய