Dinamalar

கவுதம் மேனன் - சூர்யா இணையும் துருவ நட்சத்திரம்!!

கவுதம் மேனன் இயக்கத்தில், சூர்யா நடிக்கவுள்ள படத்திற்கு துருவ நட்சத்திரம் என்று பெயர் வைத்துள்ளனர். மேலும் இப்படத்திற்கு ஏ.ஆர்.ரஹ்மான் இசையமைக்க இருப்பதாகவும் தகவல் வெளியாகியுள்ளது. சிங்கம்-2 படத்திற்கு பிறகு நடிகர் சூர்யா, கவுதம் மேனன் மற்றும் லிங்குசாமியின் படங்களில் நடிக்க ஒப்பந்தமாகியுள்ளார். ஒரே நேரத்தில் இந்த இரண்டு படங்களில் நடிக்க சம்மதம் சொல்லி இருக்கிறார் சூர்யா. இதில் முதலில் துவங்குவது கவுதம் மேனன் படம் தான் என்று அறிவிக்கப்பட்டுள்ளது. காக்க காக்க, வாரணம் ஆயிரம் படங்களின் வெற்றிக்கு பிறகு, சூர்யா-கவுதம் மேனன் இணையும் மூன்றாவது படம் இதுவாகும்.

இந்நிலையில் இவர்களது கூட்டணியில் உருவாகும் படத்திற்கு "துருவ நட்சத்திரம்" என்று பெயர் வைத்துள்ளனர். இதை கவுதமே உறுதி செய்துள்ளார். மேலும் இப்படத்திற்கு ஏ.ஆர்.ரஹ்மான் இசையமைக்க கூடும் என தெரிகிறது. கடைசியாக கவுதம் இயக்கிய இரண்டு படங்கள் சரியாக போகாததால், இந்த படத்தை கட்டாயம் வெற்றியாக்க வேண்டும் என்ற வெறியோடு இப்படத்தை இயக்க தயாராகி வருகிறார். 

• இவரை பற்றி
• செய்திகள்
• ஆல்பம்