Dinamalar

வயதான தோற்றம் : 'அது கெட்-அப்' என ஜாக்கிசான் விளக்கம்

உலக சூப்பர் ஸ்டார் ஜாக்கிசான். உலகிலேயே அதிக ரசிகர்களை கொண்டிருப்பவர்களில் இவரும் ஒருவர். காமெடி கலந்த அவரது சண்டை காட்சிகளுக்கு உலகம் முழுக்க ரசிகர்கள் இருக்கிறார்கள் என்றாலும் சீரியசான படங்களிலும் நடித்துள்ளார்.

70 வயதான ஜாக்கிசானின் புதிய தோற்றம் சமீபத்தில் வெளியானது. அதில் அவர் தலைமுடி நரைத்து. முகம் சுருங்கி காணப்பட்டார். இதை பார்த்த ஜாக்கிசான் ரசிகர்கள் அதிர்ச்சி அடைந்தனர். ஜாக்கி சானுக்கு என்னாச்சு என்று சமூக வலைத்தளங்களில் கவலை தெரிவித்தனர். இந்த நிலையில் 'அந்த தோற்றம் நான் நடிக்கும் ஒரு படத்திற்கான கெட்-அப்' என்று விளக்கம் அளித்துள்ளார்.

இதுகுறித்து அவர் மேலும் கூறியிருப்பதாவது: பல நண்பர்கள் எனக்கு எனது 70வது பிறந்த நாளை நினைவூட்டினார்கள். ஒவ்வொரு முறையும் என் வயதை கேட்கும்போது, என் இதயம் ஒரு நொடி நின்றுவிடும். அந்த அதிர்ச்சியிலிருந்து 'வயது முதிர்வு என்பது ஓர் அதிர்ஷ்டகரமான விஷயம்' என்று என் சகோதரர் சொல்வதை நினைத்து ஆறுதல் அடைந்து கொள்வேன்.

சில நாள்களுக்கு முன்பு என்னுடைய லேட்டஸ்ட் புகைப்படம் ஒன்றை இணையத்தில் பார்த்து பலரும் எனது உடல்நிலை குறித்து கவலை தெரிவித்து வருவதைப் பார்த்தேன். யாரும் வருந்த வேண்டாம். வயதான கதாபாத்திரத்தில் நான் நடித்து வரும் புதிய படத்துக்கான தோற்றம்தான் அது. அந்த கேரக்டருக்கு வெள்ளை முடி, வெள்ளை தாடி, வயதான தோற்றம் வேண்டும். புதிய விஷயங்களை முயற்சி செய்வது எப்போதும் எனக்குப் பிடிக்கும். அப்படி ஒரு புதிய முயற்சிக்கான கெட் அப் அது.

நான் 62 ஆண்டுகளாக இந்த துறையில் இருக்கிறேன். ஒவ்வொரு தருணத்தையும் மிகவும் மதிக்கிறேன். நான் உங்கள் அனைவரையும் விரும்புகிறேன். எல்லோரும் மகிழ்ச்சியாகவும் ஆரோக்கியமாகவும் இருங்கள் என்று தெரிவித்திருக்கிறார்.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  2046ல் என்ன நடக்கும் ? ரஜிஷா விஜயனின் புதிய படம் பதில் சொல்லும்
• 
  ஆல்பம் பாடலில் அதிர வைக்கும் அழகுடன் மஞ்சு வாரியர்
• 
  ‛திரிஷ்யம் 3' கிளைமாக்ஸ் ஷாக்கிங் ஆக இருக்கும் : நடிகை ஆஷா சரத்
• 
  சம்பளத்துக்கு பதிலாக ஷேர் வாங்கும் அல்லு அர்ஜுன்!
• 
  மீண்டும் ஜிம்மில் ஒர்க்அவுட் செய்யும் வீடியோவை வெளியிட்ட திரிஷா!