சிம்ரன் இடத்தை பிடிப்பாரா சிம்ரன் குப்தா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

சிம்ரன் இடத்தை பிடிப்பாரா சிம்ரன் குப்தா

14 பிப், 2024 - 01:32 IST

எழுத்தின் அளவு:

முன்னணி மாடல் அழகியாகவும், நடன கலைஞராகவும் இருப்பவர் சிம்ரன் குப்தா. 2014ம் ஆண்டு 'டிடி நேஷனல்' டிவி நடத்திய நடன நிகழ்ச்சியில் டைட்டில் வென்றதன் மூலம் பிரபலமானார். அதன்பிறகு பேஷன் ஷோக்களிலும், நடன நிகழ்ச்சிகளும் பங்கேற்று வந்தார். விஜய் நடித்த 'சர்கார்' படத்தில் 'சிம்டாங்காரன்' பாடலில் விஜய்யுடன் நடனமாடினார். அதன்பிறகு 'அன்வேஷி' என்ற தெலுங்கு படத்திலும், 'ஜஹான் சார் யார்' என்ற இந்தி படத்திலும் நடித்தார். தற்போது முதன் முறையாக 'வித்தைக்காரன்' படத்தின் மூலம் தமிழில் ஹீரோயினாக அறிமுகமாகிறார்.

ஏற்கெனவே இருந்த சிம்ரன் தன் நடனத்தால் ரசிகர்களை கட்டிப்போட்டார். சிம்ரன் குப்தாவும் முறைப்படி நடனம் கற்று பல நடன நிகழ்ச்சிகளில் பட்டம் வென்றவர். இவர் சிம்ரன் இடத்தை பிடிப்பாரா என்பது போகப்போக தெரியும்.

'வித்தைக்காரன்' படத்தை ஒயிட் கார்பட் பிலிம்ஸ் சார்பில் கே.விஜய் பாண்டி தயாரித்துள்ளார். அறிமுக இயக்குனர் வெங்கி இயக்கி உள்ளார். சதீஷ் இப்படத்தில் நாயகனாக நடித்துள்ளார். ஆனந்த்ராஜ், மதுசூதனன் ராவ், சுப்ரமணிய சிவா, ஜான் விஜய், ஆஷிப் அலி, பாவெல், ஜப்பான் குமார், சாம்ஸ், சாமிநாதன், மாரிமுத்து உள்பட பலர் நடித்துள்ளனர். வங்கி கொள்ளையை மையமாக வைத்து பிளாக் காமெடியில் உருவாகியுள்ள இப்படம் வருகிற 23ம் தேதி வெளிவருகிறது.

Simrangupta

vithaikaranmovie

கருத்துகள் (0) கருத்தைப் பதிவு செய்ய

இரு மொழியில் உருவாகும் 'லெவன்'

சித்தார்த் குரலில் உருவாகியுள்ள ஏழு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய