கங்குவா படத்தில் நடித்து முடித்தார் சூர்யா - Suriya finished acting in the film Kangua

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'கங்குவா' படத்தில் நடித்து முடித்தார் சூர்யா

11 ஜன, 2024 - 02:01 IST

எழுத்தின் அளவு:

Suriya-finished-acting-in-the-film-Kangua

சூர்யா நடித்து வரும் பிரமாண்ட பான் இந்தியா படம் 'கங்குவா'. சுமார் 350 கோடி ரூபாய் பட்ஜெட்டில் இரண்டு பாகங்களாக தயாராகும் இந்த படத்தை ஸ்டூடியோ கிரீன் நிறுவனம் சார்பில் ஞானவேல்ராஜா தயாரிக்கிறார். சூர்யாவுடன் திஷா பதானி, பாபி தியோல், நட்ராஜ், ஜெகபதி பாபு, ரெடின் கிங்ஸ்லி, கே.எஸ்.ரவிகுமார், யோகி பாபு உள்பட பலர் நடிக்கிறார்கள். வெற்றி பழனிசாமி ஒளிப்பதிவு செய்கிறார், தேவி ஸ்ரீ பிரசாத் இசை அமைக்கிறார். சிவா இயக்குகிறார். முதல் பாகம் இந்த ஆண்டும், இரண்டாவது பாகம் அடுத்த ஆண்டும் வெளிவருகிறது. கடந்த ஒரு வருடமாக இந்த படத்தில் நடித்து வந்த சூர்யா நேற்றுடன் தனது பகுதியை நடித்து முடித்து விட்டார்.

படத்தில் தனது தோற்றத்தை எக்ஸ் தளத்தில் வெளியிட்டு இதனை தெரிவித்துள்ளார் சூர்யா. அதில், “கங்குவாவின் எனது கடைசி ஷாட் இது. இது முழுமையாக நேர்மறையால் நிரம்பியது. இது முடிவல்ல ஆரம்பம், இயக்குனர் சிவாவுக்கு நன்றி மற்றும் அனைத்து தொழில்நுட்ப கலைஞர்களுக்கும் நன்றி. கங்குவா மிகப் பெரியது மற்றும் சிறப்பானது. அதை திரையில் காண உங்களை போல நானும் காத்திருக்கிறேன்” என்று பதிவிட்டுள்ளார்.

இதற்கு பிறகு சூர்யா இல்லாத காட்சிகள் மற்றும் விடுபட்ட காட்சிகள் ஒரு சில நாட்கள் படமாகும். அதன்பிறகு படப்பிடிப்புக்கு பிந்தைய பணிகள் முழுவீச்சில் தொடங்குகிறது.

Kanguva

Suriya

Directorsiva

கருத்துகள் (0) கருத்தைப் பதிவு செய்ய

எழுத்தாளரான ரமேஷ் அரவிந்த்

மலையாள படத்தில் ஐஸ்வர்யா தோற்றம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய