Dinamalar

ஜனவரி 25க்கான போட்டியில் 'சிங்கப்பூர் சலூன், ப்ளூ ஸ்டார்'

பொங்கல் போட்டி நேரடி தமிழ்ப் படங்களுடனும், இரண்டு டப்பிங் படங்களுடன் ஆரம்பமாக உள்ளது. 'அயலான், கேப்டன் மில்லர், மிஷன் சாப்டர் 1' ஆகிய நேரடிப் படங்களுடன் டப்பிங் படங்களான 'மெர்ரி கிறிஸ்துமஸ், ஹனுமான்', ஆகிய இரண்டு டப்பிங் படங்களுடன் ஜனவரி 12ம் தேதியும், போட்டியிட உள்ளன.

இவற்றில் நேரடி தமிழ்ப் படங்களில் 'அயலான், கேப்டன் மில்லர்' அதிகமான தியேட்டர்களில் வெளியாக உள்ளது. 'மிஷன் சாப்டர் 1, மெர்ரி கிறிஸ்துமஸ், ஹனு மான்' ஆகியவை எஞ்சியுள்ள தியேட்டர்களைப் பகிர்ந்து கொள்ள உள்ளன.

பொங்கல் போட்டியை அடுத்து ஜனவரி 25ம் தேதி முக்கியமான வெளியீட்டு நாளாக வர உள்ளது. 25ம் தேதி தைப்பூசம், 26ம் தேதி குடியரசு தினம், அடுத்து சனி, ஞாயிறு விடுமுறை என தொடர்ச்சியாக நான்கு நாட்கள் விடுமுறை தினங்களாக அமையப் போகிறது. எனவே, 25ம் தேதி படத்தை வெளியிட்டால் நான்கு நாட்களில் நல்ல வசூலைப் பார்க்கலாம்.

பொங்கலுக்கு வருவதாக சொல்லப்பட்ட 'லால் சலாம்' 25ல் வரும் என்கிறார்கள். ஆனால், இன்னும் அறிவிப்பு வரவில்லை. இதனிடையே, 25க்கான போட்டியில் 'ப்ளூ ஸ்டார்' படம் சேர்ந்துள்ளது. இதற்கான அதிகாரப்பூர்வமான அறிவிப்பையும் வெளியிட்டுள்ளனர். ஜெயகுமார் இயக்கத்தில் அசோக் செல்வன், சாந்தனு, கீர்த்தி பாண்டியன், திவ்யா துரைசாமி இப்படத்தில் நடித்துள்ளார்கள். உள்ளூர் கிரிக்கெட் போட்டியை மையமாகக் கொண்ட படம் இது.

25ம் தேதிக்கான போட்டியில் ஏற்கெனவே ஆர்ஜே பாலாஜி, சத்யராஜ் நடிக்கும் 'சிங்கப்பூர் சலூன்' படம் உள்ளது. இப்போது 'ப்ளூ ஸ்டார்' படமும் களத்தில் இறங்கியுள்ளது. இன்னும் யார், யார் களமிறங்க உள்ளார்கள் என்ற அறிவிப்பு அடுத்த சில தினங்களில் வெளியாகலாம்.

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  ஓங்கி குத்த வேண்டும் : விஜய் பேச்சால் நடிகர் ரஞ்சித் ஆவேசம்
• 
  ரூ. 300 கோடி வசூல் சாதனை படைத்த மகாவதார் நரசிம்மா
• 
  அறிவழகன் இயக்கத்தில் அதிதி ஷங்கர்
• 
  மிஷ்கின் இயக்கத்தில் கீர்த்தி சுரேஷ்
• 
  நடிகர்களுக்கு எதிராக செய்யப்படும் 'பெய்டு விமர்சனம்' : தமிழ் ...