Dinamalar

'துருவ நட்சத்திரம்' பஞ்சாயத்தில் இணைந்த பழைய நண்பர்

கவுதம் மேனன் இயக்கத்தில் விக்ரம் நடித்துள்ள 'துருவ நட்சத்திரம்' படம் கடந்த வாரம் வெளியாகி இருக்க வேண்டியது. கடன் பிரச்சனைகளைத் தீர்க்க முடியாத காரணத்தால் படம் வெளியாகவில்லை. இந்நிலையில் இந்த வாரம் டிசம்பர் 1ம் தேதி படம் வெளியாகலாம் என்று சொல்கிறார்கள்.

தன் படத்திற்கான பஞ்சாயத்துகளைத் தீர்த்து வைக்க கவுதம் மேனன் பழைய நண்பரான தயாரிப்பாளர் எஸ்கேப் ஆர்ட்டிஸ்ட் மதனை அழைத்துள்ளாராம். இப்படம் ஆறு வருடங்களுக்கு முன்பு ஆரம்பமான போது அப்படத்தின் தயாரிப்பாளர்களில் ஒருவராக இருந்தவர் மதன். அதன்பின் சில காரணங்களால் விலகிவிட்டார்.

கவுதம் மேனன் இயக்கிய 'விண்ணைத் தாண்டி வருவாயா, எனை நோக்கி பாயும் தோட்டா' ஆகிய படங்களின் தயாரிப்பாளர்களில் ஒருவராக இருநதவர் மதன். அவர் தற்போது தலையிட்டுள்ளதால் 'துருவ நட்சத்திரம்' படத்தின் பஞ்சாயத்து சீக்கிரமே முடிவடையும் என திரையுலகில் எதிர்பார்க்கிறார்கள்.

அவசர, அவசரமாக இந்த வாரம் டிசம்பர் 1ல் வருவதை விட, அனைத்தையும் தீர்த்துவிட்டு, முன்பதிவுக்கும் சரியான இடைவெளிவிட்டு, சில பல புரமோஷன்களைச் செய்த பின் படத்தை வெளியிட்டால் நன்றாக இருக்கும் என்பது ரசிகர்களின் எதிர்பார்ப்பு.

• 
  'மாத்ருபூமி' ஆக மாறிய 'பேட்டில் ஆப் கல்வான்'
• 
  முன்பதிவில் 120 கோடி வசூல் கடந்த 'துரந்தர் 2'
• 
  எனக்கு நட்டம் தான், துரந்தர் 2 படத்தில் நடிக்காதது குறித்து அனில் கபூர் ...
• 
  ராஷ்மிகாவின் காக்டெய்ல் 2 படத்தின் ரிலீஸ் தேதி வெளியானது
• 
  சீக்வல் என்பதே ஒரு வகையான சுரண்டல் தான் : பிரியதர்ஷன் ஓபன் டாக்

• 
  சூர்யாவின் ‛விஸ்வநாத் அண்ட் சன்ஸ்' டீசர் வெளியீடு
• 
  சிம்புவுக்கு ஜோடியாகும் மமிதா பைஜு
• 
  சென்னையில் நாளை ஜனநாயகன் மறு தணிக்கை நடக்கிறது
• 
  பவன் கல்யாணை பாராட்டும் ஸ்ரீலீலா
• 
  கைவசம் பல படங்கள் : வெற்றிக்காக ஏங்கும் ஜெய்